નઝર નઝર માં ફેર છે બાકી દુનિયા તો એજ છે!!!/ The rest of the world is the same !!!

 ૐ

નઝર નઝર માં ફેર છે બાકી દુનિયા તો એજ છે!!!

હું આજ સવારે જયારે મારાં બેઠકરૂમના પેટીયામાંથી બહાર જોતી હતી ત્યારે વિચારતી હતી કે શું બદલાઈ રહ્યું છે??? દરરોજ દિવસ ઉગે દરરોજ દિવસ આથમે, દરરોજ ઋતુ બદલે, શિયાળો આવે ઠંડી પડે, પછી વસંત આવે, ઉનાળો આવે, પાનખર આવે અને ફરીથી શિયાળો આવે. અહીંયા વરસાદ તો થોડા થોડા દિવસે આવતો જ હોઈ.આમ હજારો લખો વર્ષોથી આ જ ક્રમ ચાલ્યો આવે છે. શું બદલાઈ છે???? પ્રકૃતિમાં તો એના સ્વભાવગત જે પરિવર્તન થવું જોઈએ તે તેનામાં થાઈ જ છે અને એમાં બીજાને કાંઈ પણ નુકસાન પહોંચાડ્યા વગર પોતાનું કામ અવિરત કર્યે જ જાઈ છે બરોબર ને! પ્રકૃતિનું કામ છે આપવાનું અને વગર મુલ્યે આપ્યે જ જાઈ છે.

હવે આપણે આપણી એટલે કે મનુષ્યોની વાત કરીએ તો આપણે પણ એ જ કુદરતની દેન છે જેની દેન આ સુંદર પ્રકૃતિ છે. જેનો સ્વભાવ કે આતમાનો મૂળભૂત ગુણ શાંતિ, પ્રેમ, દયા, પવિત્રતા, સત્યતા અને નિતી ને ઈમાનદારી છે જેની મુજબ એને બધા સાથે વર્તવાનું હોઈ છે અને એ મુજબ જીવન જીવવાનું હોઈ છે પરંતુ આપણે આત્માના આ બધા ગુણોને ક્રોધ, લોભ, લાલચ,  જૂઠ, અનીતિ અને બેઈમાનીના થર નીચે એટલા ઢાંકી દીધા છે કે આપણને હવે ખબર જ નથી પડતી કે આપણી સાચી વાસ્તવિકતા શું છે????? ઘણી વખત કોઈ ખોટું એટલી વખત બોલાઈ ગયું હોઈ કે એ સાચું જ લાગવા માંડે છે પરંતુ જયારે  સાચી વાત સામે આવે ત્યારે ખબર પડે છે કે ખોટું એ ખોટું જ છે ગમે તેટલી વાર બોલાઈ કે સંભળાઈ.

આજ આપણે કેતા થયાં છે કે નિતી ને ઈમાનદારી, સચ્ચાઈ ને શાંતિ ને આ બધી કેવાની વાતો છે હકીકત સાથે કસી લેવાદેવા નથી પરંતુ આપણે આપણી જ વાસ્તવિકતાને સ્વીકાર કરવા માંગતા નથી એટલે બધામાં કેતા થયાં છે કે આ ઝમાનો જ એવો થઈ ગયો છે જ્યાં શાંતિ, પ્રેમ, દયા ને ઈમાનદારી ના ચાલે. પરંતુ આખી દુનિયામાં હજુ ઘણા એવા છે જે આ માનવતના સદગુણોને જાળવી જીવન જીવે છે અને કોને ખબર કે આવા લોકોના જ દમ પર આ દુનિયા અને માનવતા ટકી રહી હોઈ..........?? 

સત્યનો, નિતીનો, પ્રેમનો, દયાનો રસ્તો કદાચ થોડો મુશ્કેલ હશે પરંતુ તેના પર ચાલવું અશક્ય તો નથી જ. આ રસ્તા પર અંતે જે સાચું જીવન જીવ્યાનો જે ફળ મળે છે તે સંતોષનું ફળ, શાન્તિનું ફળ, પ્રેમનું ફળ ખુબ મીઠું લાગે છે. આ વિશે ચોક્કસ વિચારજો મિત્રો અને મને પણ જણાવશો. ફરી મળ્યે ત્યાં સુધી શામડિવાઇનના પ્રણામ સ્વીકારશો 🙏🙏🙏