મેં મારું ભવિષ્ય જોવાનું બંધ કર્યુ / I stopped looking at my future

 ૐ

મેં મારું ભવિષ્ય જોવાનું બંધ કર્યું.....


જયારે હું નાની હતીને ત્યારે સવારે ઘરે છાપું ( news paper ) આવતું. સવારના  પહોરમાં આવતાની સાથે ખોલી ને તેમાં જ્યોતિષીના વિભાગમાં " આપની આજ " એવું આવતું અને તેમાં દરોરોજનું રાશિ પ્રમાણે બધાનો દિવસ કેવો રહશે એ લખેલુ હોઈ. મને એ વાંચવાની ખુબ મજા આવતી. એ સૌવથી પહેલા વાંચવી એ મારો રોજ નો ક્રમ હતો. જો કે હું બોવ માનતી નહિ પણ વાંચવાની મજા આવતી. સારુ અને ખરાબ બંને લખ્યું હોઈ. પણ એક જિજ્ઞાસા રહેતી જાણવાની.

  જયારે હું ઇંગ્લેન્ડ આવી ત્યારે અહીંયા ગુજરાતી છાપા કે નોહતા, જો કે અત્યારે તો પુસ્તકાલયમાં જાવ એટલે બધા જ છાપાઓ વાંચવા મળે ભલે થોડા જુના હોઈ. અત્યારે તો ભારતની જ નહિ દુનિયાની બધી ન્યૂઝ ચેનલો, અહીંયા આવે છે પણ પહેલા જયારે કંઈ નહોતું ત્યારે હું ગૃહશોભા, ને સખી ને એ બધી મેગેઝીન મારાં ઘરની બાજુમાં દુકાન હતી ત્યાં મળતી તે ખરીદી લાવતી. મને વાંચવું ગમે એટલે. તેમાં પણ અઠવાડિક રાશિ ભવિષ્ય આવતું અને મને એ વાંચવું ગમતું. પછી વચ્ચે થોડા વર્ષ મુકાઈ ગયું પણ ઇંગલિશ માં આવતું છાપું એમાં વાંચતી, જોકે ઇંગલિશ માં એ લોકો જુદી રીતે ગણતરી કરતા હોઈ છે પણ સાચું ખોટું વાંચવું ગમતું.

આજ લગભગ છેલ્લા થોડા વર્ષોથી તો હવે આ આધુનિક ફોનમાં ( મોબાઈલ ) માં જ બધી એપ રાખી જોઈ શકો છો એટલે સરળ થઈ ગ્યું. હું હમણાં છેલ્લા થોડા મહિનાથી મેં ભવિષ્ય વાંચવું બંધ કરી દીધું.

  મારી જિંદગીના ઘણા ધૂપ છાવ જોયા પછી થયું કે ભવિષ્ય જેવું કંઈ હોતું જ નથી. આપણે જિંદગીમાં વિચારીએ તો છે ઘણું બધું, ઘણી બધી ભવિષ્યની યોજનાઓ બનાવ્યે છે. આપણી જાતને લઈને, બાળકોને લઈને, પરિવારને લઈને, ધંધાને લઈને અને આપણા નિવૃત્તિના સમયને લઈને અને વગેરે વગેરે વગેરે...........

પણ કેટલી સફળ રહે છે????? એ તો સમય જ બતાવે છે. ના કોઈ જ્યોતિષ કે ના તેની ભવિષ્યવાણી.  અરે પછીની  મિનિટ માં શું થશે એ પણ આપણને ખબર નથી હોતી તો આખી જિંદગીના  ભવિષ્યની તો ક્યાંથી ખબર હોઈ.

આ ભવિષ્યની યોજનાઓ બનાવવાની ખુબ મજા આવે જોકે. એના ચક્કરમાં આપણે વર્તમાનની દરકાર જ નથી કરતા.

ઘણી વખત માણસ એટલો બધો ભવિષ્યમાં જીવતો હોઈ છે કે જયારે ઓચિંતાની કોઈ તકલીફ આવે કે આ દુનિયા છોડીને જવું પડે તો બધું ત્યાંનું ત્યાંજ રહી જાય છે. ઘણી વખત તો આપણે ધાર્યું હોઈ કે આમ થશે ને જિંદગી આપણને બીજો જ રંગ દેખાડે એટલે કે એક ક્ષણમાં બધું જ બદલાઈ જાય છે ત્યારે એમ થઈ કે હવે શું? સાવ આંખો સામે અંધારું છવાઈ જાય છે જિંદગીની દિશા જ બદલાઈ જાય છે. ત્યારે એમ થાય કે હવે તો આજ સરસ પસાર થઈ જાય તો કાલ જોયું જશે.

મિત્રો! મારો એવો મતલબ નથી કે કામ ના કરવું કે પૈસા ભેગા ના કરવા બસ ખાલી જલસા જ કરવા પરંતુ હું એમ ક્વ છું કે જો તમારી પાસે થોડું પૂરતું હોઈ તો સાંજે અડધી કલાક પરિવાર સાથે, મિત્રો સાથે, પોતાના બાળકો સાથે હસી મજાક ચોક્કસ કરી લેજો.  સગવડતા હોઈ તો હરવા ફરવા પણ જજો. પણ એમ ક્યારેય ના વિચારતા કે નિવૃત થશુ પછી જલસા જ કરવાનાં છે ને, અત્યારે જુવાન છે તે કામ કરી લઈએ. આ કંઈ કાયમી નથી એ વાત હંમેશા યાદ રાખવી મિત્રો. ના સુખ, ના  દુઃખ, ના ધન, ના સંબંધ, કંઈ જ નહિ એટલે જ ક્વ છું કે ભવિષ્ય વાંચવાનું બંધ અને જીવવાનું શરુ. બરોબર ને મિત્રો!!!


તમારું શું કહેવું છે ચોક્કસ જણાવશો. ફરી મળીયે ત્યાં સુધી શામડિવાઇનના પ્રણામ 🙏🙏🙏

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

ગૂડ ફ્રાયડે / Good Friday

છબી
 🕉 ગૂડ ફ્રાયડે / Good Friday આજ બીજી તારીખ બે નો આંકડો જિંદગીમાં કયારેય નહિ ભુલાઈ. જયારે આવશે ત્યારે મેં મારું મહત્વનું મારું ગુમાવ્યાનું યાદ હંમેશા આવશે. જોકે ભુલાતું તો ક્યારેય નથી પણ યાદ એ રીતે કરું છું કે મનમાં અને ચહેરા ઉપર એક સ્મિત આવી જાય અને એને મારી આજુબાજુમાં જ હોવાનું અનુભવું છું. ખુબ જ અઘરી હોઈ છે પોતાના સ્વજનની એ વિદાઈ એને એ જ સમજી શકે જેણે પોતાનાને ગુમાવ્યા હોઈ. પણ ઘણી વખત સ્વીકારવું ખૂબ અઘરું થઈ પડે છે કારણકે આપણે ક્યારેય એના વગરના જીવનની કલ્પના જ ના કરી હોઈ. જયારે અપેક્ષા હોઈ તેના કરતા ઓછું મળે તો ચોક્કસ નિરાશા અને દુઃખ થાઈ જ. પણ ફરીથી એ કુદરતના અટલ નિયમ આગળ કાળા માથાનો માનવી ખૂબ ટૂંકો પડે. આપણા માટે એની શું યોજનાઓ હોઈ એ તો એ જાણે પણ આપણા જીવનમાં સ્વજનની વિદાઈ ભૂકંપ લઈ આવે છે. અને આ ભૂકંપમાં જો તમે તમારા આત્માનું ઘડતર આધ્યાત્મિકતાથી કર્યુ હશે તો આંચકો ચોક્કસ લાગશે પણ મકાન તૂટીને વેરવિખેર નહિ થાઈ. બાકી ઈશ્વરે આ બધી રચના જ એ રીતે કરી છે કે એનું તંત્ર ચાલુજ રહે અને સમય નામની દવા બધા માટે આપીજ છે. સમય ગમે તેવા દુઃખમાંથી બહાર લઈ આવે છે અથવા હળવું તો કરી જ દયે. આજ good f...
વધુ વાંચો

હંમેશા મને ગમે તે સારુ જ હોઈ એવું જરૂરી નથી....

છબી
  ૐ હંમેશા મને ગમે તે સારુ જ હોઈ એવું જરૂરી નથી.... ગમે તે વસ્તુ, વ્યક્તિ, વાત, કે બીજું કંઈપણ હોઈ, આપણી પાસે પસંદગી કરવાનાં કેટલા વિકલ્પો હોઈ છે??? તમે કહેશો કે હોઈ તો ઘણા બધા પણ આપણે બીજાને કેટલા આપીએ છીએ અને બીજા આપણને કેટલા આપે છે?? છેને વિચારવા જેવું.......... હંમેશા આપણી પાસે વધારે ના હોઈ તો કંઈ નહી પણ બે વિકલ્પ તો હોઈ જ છે. જોકે આપણે નાના હતા ત્યારે આપણને લગભગ ના કે બરાબર વિકલ્પ આપવામાં આવતો. નાનકડા હતા ત્યારથી લઈને તે છેક અત્યાર સુધી આપણે હંમેશા સમજૂતીઓ સાથે જ પસંદગી આપવામાં આવતી. જોકે બાલમંદિર, પ્રાથમિક શાળા પછી માધ્યમિક શાળા, જેમાં આવ્યા પછી વિષયોની પસંદગી કરવાની હોઈ. આજથી ત્રીસ વર્ષ પહેલા સાઇન્સ, કોમર્સ અને આર્ટસ આ જ હતા અને આમાંથી જ પસંદગી કરવાની હોઈ જોકે દસમામાં પછી બારમા સુધી તો ત્યારે ઘણાની વિકેટ પડી ગઈ હોઈ એટલે કે છોકરો હોઈ તો પિતાના ધંધામાં લગાડી દીધો હોઈ અને છોકરી હોઈ તો લગ્નની વાતો ચાલુ થઈ ગઈ હોઈ. જોકે એ સમયે એટલું બધું કરિયર ( કારકિર્દી ) બનાવવાનું ને આગળ વધવાનું ને ના તો કોઈ મોટિવેશન હતું કે ના એવું કોઈ વાતાવરણ હતું. પરંતુ અત્યારની વાત સાવ જુદી જ છે. સમય હંમેશા...
વધુ વાંચો

જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!!

છબી
  ૐ જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!! આ દુનિયા ઈશ્વરની પાઠશાળા છે અને આપણે અહીંયા શીખવા માટે જ મોકલવામાં આવે છે. કોઈ એમ કહે કે મને બધું આવડે છે ને હું બધું જાણું છું. તો હું કહીશ કે એ વ્યક્તિ જેવું અજ્ઞાની અને અબુધ કોઈ નથી. આપણે ક્યારેય એમ ના કહી શકીએ કે મેં બધું જ શીખી લીધું છે કે હું બધું જ જાણું છું. જ્ઞાન તો દરિયા જેટલું વિશાળ છે. આપણે તો ફક્ત ને ફક્ત અમુક ઘૂંટડા જ આપણા જીવનકાળ દરમિયાન પિયે છે. આપણી ચારે બાજુ જ્ઞાન ફેલાયેલું છે. એમાં ઘણું સારુ છે અને ઘણું ખરાબ પણ છે. આપણે આપણી દ્રષ્ટિને એવી રીતે કેળવવાની છે કે તે ખરાબ પરિસ્થિતિમાં પણ સકારાત્મક રહી શકે અને મન, બુદ્ધિ ને સ્થિર રાખી ખરાબ પરિસ્થિતિમાં પણ કંઈને કંઈ તક શોધી લ્યે. આપણે બધા જ ભણવા માટે નિશાળમાં, કોલેજમાં, યુનિવર્સિટીમાં અને મોટી પદવીઓ મેળવવા માટે વિદેશોમાં ભણવા જઈએ છીએ. આ બધા જ પુસ્તકીયું જ્ઞાન મેળવવાની પાઠશાળાઓ છે અને જેને મેળવવું ખૂબ જરૂરી છે. આ પુસ્તકીયા જ્ઞાનથી આપણે કેવી રીતે પૈસા કમાઈ શકીએ તે તો શીખી જઈએ છીએ પણ તેનો ઉપયોગ ક્યાં અને કઈ રીતે કરવો તેની માટે સદબુદ્ધિ અને ...
વધુ વાંચો