વસંતના વધામણાં / welcome to spring

ૐ

મિત્રો, આજ વસંત પંચમી, એટલે કે આજથી શિયાળો ધીરે ધીરે જશે અને ફૂલોની ઋતુ વસંત ચાલુ થશે. જયારે ભારતમાં હતા ત્યારે વસંત પાંચમી વિશે નિબંધ લખવાનો આવતો અને જયારે એના વર્ણન વિશે  વાંચતા ત્યારે થતું કે ખરેખર આવી ઋતુ હશે??

હા! ચોક્કસ વસંતની બહાર ખુબ સરસ હોઈ છે. આપણે ગુજરાતમાં રહીએ છીએ અને ત્યાંની આબોહવાને કારણે આપણે પ્રકૃતિમાં એટલા ફેરફારો નથી જોઈ શકતા. આપણને ઠંડી ગરમી અને વરસાદનો અનુભવ થાય છે પરંતુ દરિયાથી દૂરના પ્રદેશોમાં આપણને ઋતુગત ફેરફારો કુદરતમાં ખુબ જોવા મળે છે. ગુજરાત શિવાય ભારતના અન્ય પ્રદેશની તો બહુ ખબર નથી પરંતુ અહીંયા ઇંગ્લેન્ડમાં દરેક ઋતુ પૂર જોશમાં તેની કારીગરી બતાવે છે.

અત્યારે હાડ ગાળી નાંખે એવી ઠંડી હોઈ છે. ભારતની જેમ અહીંયા પણ જયારે મકરસંક્રાંતિ જાય એટલે દિવસો લાંબા થતા જશે એવી આશા બંધાતી જાય. અને જયારે ધીમે ધીમે ફેબ્રુઆરી મહિનો પૂરો થાય અને માર્ચ એપ્રિલ આવે ત્યાં સુધીમાં તો અહીંની કુદરતી શોભા જોવાજેવી હોઈ. શિયાળાની કડકડતી ઠંડીમાં ઠુંઠવાઈને ઉભેલા એ વૃક્ષોને જોઈએ તો દયા આવે કે, હેં પ્રભુ કયાં જન્મના બદલા આ વૃક્ષ રૂપે ચુકવતા હશે. અહીંયા શિયાળામાં વૃક્ષોની દશા એવી લાગે જાણે જેનું બધુંજ લૂંટાઈ ના ગયું હોઈ.   ઠંડીમાં થીજતા, સૂકા બળેલ ઠુંઠા લાગતા હોઈ. કોઈક જ એવા ઝાડ હોઈ કે જેમાં પાંદડા હોઈ બાકી લગભગ બધા જ ઝડના પાંદડા પાનખરમાં ખરી પડે છે.


ઘીરે ધીરે ઝાડ પર આવતી કુમળીઓ, અને વૃક્ષો ઉપર આવતી બહારો અને લીલા સુંદર મેદાનોમાં આવતા એ ડેફોડીલના સફેદ પીળા ફૂલોથી અહીંની વસંત ઋતુ ચાલુ થાય. થોડી ઓછી ઠંડી પણ સૂર્યદેવના દર્શન થાય. શિયાળામાં ઓછા થાય અને થાય તો બહુ વાર ના હોઈ. અહીંયા વસંતની બહાર જોવાજેવી હોઈ છે ચારે બાજુ એમ થાય કે પ્રકૃતિ હસી રહી છે. અદ્ભૂત વાતાવરણ હોય છે. આમ તો દરેક ઋતુની તેની આગવી સોંદર્યતા છે પણ વસંત અને ઉનાળાનું સોંદર્ય તો પૂરજોશમાં ખીલતું હોઈ છે.


મિત્રો તમને કહી દવ કે ઇંગ્લેન્ડમાં વર્ષમાં બે વખત સમય બદલાઈ છે. ના ના માણસોનો નહિ ઘડિયાળનો, હા અહીંયા માર્ચ મહિનાના છેલ્લા રવિવારે ઘડિયાળ એક કલાક આગળ કરવામાં આવે છે અને તે પછી અહીંયા બ્રિટિશ સમર એટલે કે ઉનાળાની શરૂઆત થઈ જાય અને પછી છ મહિના સુધી ઉનાળાની મજા પડે. અહીંનો ઉનાળો એટલે ગુજરાતનો શિયાળો. ફરીથી સપ્ટેમ્બરના છેલ્લા રવિવારે પછી ઘડિયાળ એક કલાક આગળ મૂકીએ એટલે પાનખર આવે ને પછી એ બરફ વાળી ઠંડી આવે. એક તો ઠંડીના દિવસો ને ઉપરથી સાંજે ચાર વાગ્યામાં અંધારું થઈ જાય અને સવારે પણ  લગભગ આઠ વાગ્યાની આજુબાજુ દિવસનું અજવાળું જોવા મળે. અહીંનો શિયાળો વૃદ્ધજનો માટે અને બાળકો માટે થોડો કાંટાળાજનક હોઈ છે કારણ કે ઠંડીના લીધે બહાર જવાનું ઓછું મળે. પરંતુ માર્ચથી સપ્ટેમ્બર સુધી ખુબ જલસા. દિવસનું અજવાળું સવારે સાડા ચાર પાંચ વાગયેથી જોવા મળે ને સાંજે છેક દસ વાગ્યાં સુધી. પાછો તડકો અને ચારે  બાજુ સુંદર ફૂલોથી ફળોથી લદાયેલી પ્રકૃતિ. અદ્ભૂત અદ્ભૂત કુદરત!!!

મારી વાત કરું તો મને દરેક ઋતુની મજા માણવી ખુબ ગમે. દરેક ઋતુનું ભરપૂર સોંદર્ય હોઈ છે અને તે જોવાની ખુબ મજા પડે છે. આમેય પણ જયારે આપણે કુદરતની બાજુમાં કે તેની વચ્ચે હોઈએ ને ત્યારે જીવનના ઘણા  નવા પાઠો શીખવા મળતા હોઈ છે અને જો તે જોવાની નજર ના હોઈ તો પ્રકૃતિની વચ્ચે રહેવાથી મનને આત્માને એક અજબની શાંતિ તો મળેજ છે. ખરુંને મિત્રો???

તમારા વિચારો ચોક્કસ જણાવશો. ફરી મળીએ ત્યાં સુધી શામડિવાઇનના પ્રણામ 🙏🙏🙏



ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી.....

છબી
 ૐ સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી..... આ સંભળાવવું અને સાંભળવું, એવું નથી કે આપણા સમાજમાં જ બને છે દુનિયાના દરેક દેશના લોકો વચ્ચે થાઈ જ છે.બસ એટલું જ કે આપણા ભારતીય પરિવારોમાં વધારે થાઈ છે કારણ કે આપણા ભરતીયોમાં બીજા કરતા વધારે સંયુક્ત પરિવારો હોઈ છે. જ્યાં બધા સાથે રહેતા હોઈ ત્યાં કંઈક તો ખટરાગ ચાલુ હોઈ જ છે. પેલી કહેવત છે ને કે ચાર વાસણ ભેગા હોઈ તો ખખડે પણ ખરા. આ વાસણોને આપણે જ મૂકીએ છીએ અને આપણે જ ખખવાડીએ છીએ. પણ સબંધોમાં એવું નથી. સાથે હોઈ પણ એકબીજા વચ્ચે સમજણ ના હોય તો વાસણોની જેમ સબંધો પણ ખખડે છે. દરેક ઘર અને પરિવારોમાં સાથે રહેતા હોઈ કે જુદા રહેતા હોઈ પણ એવા સભ્યો હોઈ જ છે જેને વાતે વાતે દુઃખ લાગે, ગમે તેટલું કરો તોયે ઓછું આવે અને જરાક એવી પણ ભૂલ થાઈ તો બોલ્યા  વગર કે સંભળામળી કર્યા વગર ના જ રહે. આપણે બધાએ આ જોયું જ હશે. જયારે પણ તૈયારી કરતા હોઈએ ત્યારે એને ચોક્કસ યાદ કરશું અને કહેશું પણ ખરા કે સરખી રીતે કરજો નહીંતર એમનું સાંભળવું પડશે. આ બધા આપણા મનુષ્ય સ્વાભાવના ખેલ છે. પણ પરિવારમાં કોઈ એવું પણ ચોક્કસ હોઈ છે જે બધું સાંભળ્યા પછી પણ...
વધુ વાંચો

આજ જન્માષ્ટમી.......

છબી
  ૐ આજ જન્માષ્ટમી....... આજથી લગભગ પાંચ હજાર વર્ષ પહેલા ભગવાન વિષ્ણુએ શ્રી કૃષ્ણના રૂપે જન્મ લીધો હતો. તેઓ ભગવાન વિષ્ણુના આઠમા અવતાર હતાં.  સૌવથી વધારે પૂજાતા ઈશ્વરના અવતાર હોઈ તો એ ભગવાન રામ, શ્રી કૃષ્ણ અને બુદ્ધ છે જેને અત્યારે પણ મોટી સંખ્યામાં લોકો મને છે અને પૂજે છે. આજથી લગભગ પાંચ હજાર વર્ષો પહેલા શ્રાવણ મહિનાની અંધારી આઠમે, મધ્ય રાત્રીએ પ્રભુએ જન્મ લીધો. લોકો કહે છે કે સતયુગમાં બધું સુંદરને સારૂ જ હતું પણ જ્યારથી દુનિયા બની છે ત્યારથી સારૂ અને ખરાબ સાથે જ ચાલતું આવે છે. જો બધું સારૂ સારૂ જ હોત તો ઈશ્વરે ધરતી ઉપર આવવું જ ના પડ્યું હોત. ઈશ્વર આપણને આ દુનિયામાં આપણા આત્માને કઈંક શીખવા અને તેનો પરમાત્મા તરફ ગતિ અને વિકાસ કરવા મોકલે છે અને આપણને સાથે આ સુંદર દુનિયામાં ફસાવવા માટે બધા સંબંધો, લાગણીઓ અને મોહથી બાંધે પણ છે. બસ આમાંથી આપણે જળકમળવત રહી, કેવી રીતે જીવીએ છીએ તેજ આપણી સૌવથી મોટી કસોટી છે. પણ આપણે મનુષ્યો એની એ લીલાને સમજતા નથી અને સંસારના કાદવમાં ફસાતા જઈએ છે અને સારા નરસા કર્મોના બંધનની ગાંઠો વાળતા જઈએ છીએ અને પછી જન્મોજન્મના ફેરા કરતા રહીએ છીએ અને ગાંઠો છોડવા કરતા...
વધુ વાંચો

હું કહુંને તમે આપો તો માંગણી જેવું લાગે, પરંતુ માંગ્યા વગર આપો તો લાગણી જેવું લાગે....

છબી
 ૐ હું કહુંને તમે આપો તો માંગણી જેવું લાગે, પરંતુ માંગ્યા વગર આપો તો લાગણી જેવું લાગે.... આપણી ગુજરાતીમાં એક કહેવત છે કે, " માંગ્યા વગર મા એ ના આપે ". એટલે કે આપણે કંઈ જોઈતું હોઈ તો માંગવું પડે, બોલવું પડે તો જ મળે. નાનકડું બાળક હોઈ ત્યારે એ રડે તો જ મા દૂધ પીવડાવે કે રમકડું આપે છે. છતાએ ત્યાં લાગણીનો સંબંધ જોવા મળે છે. બાળકો નાના હોઈ કે મોટા હોઈ મા તરફથી હંમેશા કનેક્શન મજબૂત હોઈ છે પરંતુ બાળકો તરફથી ઘણી વખત રુકાવટ કે લિયે ખેદ જોવા મળે છે. સાચા સંબંધ તો લાગણીઓના સંબંધ હોઈ છે. કેટલું સુંદર કહેવાઈ કે આપણે કંઈ બોલીએ એ પહેલા જ કોઈ આપણને સમજી જાય. આપણે કંઈ માંગીએ એ પહેલા જ સામેની વ્યક્તિ આપણને આપી દયે. શું આવા સંબધો હોઈ?? આવા સંબધો હતા એ ખબર છે. શ્રી ક્રિષ્નએ સુદામાના માંગ્યા પહેલા જ બધું આપી દીધું. દ્રૌપદીએ દુઃખમાં યાદ કરીયા ભેગા જ મદદ કરી દીધી. કેટલું સુંદર!!!! આ લોહીના સંબધો નોહતા. પરંતુ હૃદયથી હૃદયની લાગણીનાં સંબધો હતા. લોહીના સંબધો તો આપણે માનવા જ પડે પછી તે આપણને ગમે કે ના ગમે પરંતુ લાગણીના સંબધો એવા સંબધો છે કે જેને આપણે દિલથી નિભાવીએ, જેના તાર એક દિલથી બીજા દિલ સુધી કનેકશન...
વધુ વાંચો