આનો શું મતલબ???? / What does this mean ????

 ૐ

આનો શું મતલબ????

ગઈ કાલે એક સરસ વાક્ય વાંચ્યું કે ,

 "તમે જેને ખુશ જોવા માંગો છો તેને અહીંયા જ ખુશ રાખો કારણ કે તાજમહેલ દુનિયાએ જૉયો છે મુમતાઝે નહિ "


કેટલું સરસ!!! આપણા જીવનમાં બધા જ મહત્વના સંબધો છે, માતા પિતા, ભાઈ બેન, પોતાના બાળકો અને પોતાનો જીવનસાથી. આપણે જીવનમાં બધાને ખુશ રાખવાનો પ્રયત્ન આખી જિંદગી કરતા રહીયે છીએ. તેમાંથી કેટલા સાચે જ ખુશ થાય છે એ તો ખબર નથી પરંતુ આખા પરિવારને ખુશ રાખવાના ચક્કરમાં જો કોઈને સૌવથી વધારે દુઃખ પહોંચાડતા હોઈ તો એ છે આપણો જીવનસાથી.

આ વાતનો તમે પણ કયારેક ને ક્યારેક અનુભવ કર્યો જ હશે.

ત્યારે આપણે એમ વિચારતા હોઈએ છીએ કે એ તો આપણું ઘરનું માણસ છે ને એને તો બધું કહી શકાઈ. એ નો સમજે તો બીજું કોણ સમજે! બરોબર ને!! એને તો ગમે તે કહી શકાઈ. બરોબર ને!! કેમ? આપણે એની સાથે લગ્ન કર્યા એટલે એ આપણી મિલ્કત છે? પતિ હોઈ કે પત્ની કોઈ કોઈ ની સંપત્તિ નથી. બંને પોત પોતાનું એક જુદું અસ્તિત્વ ધરાવે છે. એકબીજાના સાથી છે ગુલામ નહિ.

ઘણી વખત સંયુક્ત પરિવારોમાં થોડા ઘણા અણબનાવો તો બનતા જ હોઈ છે અને ક્યારેક તે થોડી સમજદારીના અભાવે ખુબ મોટા ઝગડાઓમાં ફેરવતા હોઈ છે. આવે વખતે પતિ કે પત્ની બંનેમાંથી એકે તો એવી સમજદારી બતાવી જ પડે. એ સમયે થોડી સજદારી દાખવી  હોઈ તો નાની વસ્તુ મોટું રૂપ ધારણ ના કરી શકે. આ જ જવાબદારી ઘરના વડીલોની વધારે છે ખાસ કરીને સાસુ કે મા, જો આ પાત્ર પોતાનો રોલ તટસ્થ નિભાવે તો ક્યારેય ઘરમાં કે સંબંધોમાં ખટાસ આવે જ નહિ.

હંમેશા યાદ રાખવું પરિવારોમાં પ્રેમને મહત્વ વધારે આપવું પૈસાને નહિ. પતિ નામના પ્રાણીએ મા ને પત્ની બંનેને તટસ્થતાથી સમજાવવા જોઈએ અને પત્ની નામના પ્રાણીએ પોતાની સાસુ કે નણંદ, જેઠાણી કે દેરાણી જે પણ  સંબંધ હોઈ બધા સાથે તટસ્થ રહેવું. તટસ્થ રહેવું એટલે દુર દૂર નહિ પણ દરેક સંબંધમાં ઈમાનદારી રાખવી.

  આ બધા, જે પરિવારમાં સંબધો છે તે બધા જ સાસરે આવનારી છોકરી તેના પતિના કારણે નિભાવે છે. જો પતિ પત્નીમાં ખુબ સમજદારી અને પ્રેમ હોઈ તો બોવ ઓછી ફરિયાદો હોઈ છે પરંતુ થોડી ઘણી અનબન હોઈ તો મોટું સ્વરૂપ ધારણ કરતા વાર નથી લગતી. ઘણી વખત સંયુક્ત પરિવારમાં ના રહેતા હોઈ તો પણ ઝગડાઓ થતા જ હોઈ છે. ઘણી વખત વાત કંઈ જ ના હોઈ.

હંમેશા યાદ રાખવું દુનિયામાં દરેકની બે બાજુ જ હોઈ છે. હંમેશા આપો અને લ્યો. આજ઼ નિયમ છે. પતિ પત્નીના સંબંધમાં પણ માન આપો માન મેળવો. શરૂઆત તો ત્યાંથી જ થાઈ ને પછી ગણતરી નથી રહેતી. બધા જ સંબધોમાં આજ઼ સમીકરણ લાગુ પડે છે.

જે પણ સંબંધ હોઈ માનો, પિતાનો, જીવનસાથિનો, બેનનો, ભાઈનો કે મિત્રનો બધાને અહીંયા જ ખુશ રાખો, આપણી ભૂલ હોઈ તો માફી માંગો, એની ભૂલ હોઈ તો માફ કરો ને જીવનમાં આગળ વધો. એના દુનિયામાંથી વિદાઈ થયાં પછી એની પાછળ તાજમહેલ બનાવવાનો કોઈ ફાયદો નથી. બરોબર ને મિત્રો???

તમારા વિચાર ચોક્કસ જણાવશો. ફરી મળ્યે ત્યાં સુધી શામડિવાઇનના પ્રણામ 🙏🙏🙏

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

ગૂડ ફ્રાયડે / Good Friday

છબી
 🕉 ગૂડ ફ્રાયડે / Good Friday આજ બીજી તારીખ બે નો આંકડો જિંદગીમાં કયારેય નહિ ભુલાઈ. જયારે આવશે ત્યારે મેં મારું મહત્વનું મારું ગુમાવ્યાનું યાદ હંમેશા આવશે. જોકે ભુલાતું તો ક્યારેય નથી પણ યાદ એ રીતે કરું છું કે મનમાં અને ચહેરા ઉપર એક સ્મિત આવી જાય અને એને મારી આજુબાજુમાં જ હોવાનું અનુભવું છું. ખુબ જ અઘરી હોઈ છે પોતાના સ્વજનની એ વિદાઈ એને એ જ સમજી શકે જેણે પોતાનાને ગુમાવ્યા હોઈ. પણ ઘણી વખત સ્વીકારવું ખૂબ અઘરું થઈ પડે છે કારણકે આપણે ક્યારેય એના વગરના જીવનની કલ્પના જ ના કરી હોઈ. જયારે અપેક્ષા હોઈ તેના કરતા ઓછું મળે તો ચોક્કસ નિરાશા અને દુઃખ થાઈ જ. પણ ફરીથી એ કુદરતના અટલ નિયમ આગળ કાળા માથાનો માનવી ખૂબ ટૂંકો પડે. આપણા માટે એની શું યોજનાઓ હોઈ એ તો એ જાણે પણ આપણા જીવનમાં સ્વજનની વિદાઈ ભૂકંપ લઈ આવે છે. અને આ ભૂકંપમાં જો તમે તમારા આત્માનું ઘડતર આધ્યાત્મિકતાથી કર્યુ હશે તો આંચકો ચોક્કસ લાગશે પણ મકાન તૂટીને વેરવિખેર નહિ થાઈ. બાકી ઈશ્વરે આ બધી રચના જ એ રીતે કરી છે કે એનું તંત્ર ચાલુજ રહે અને સમય નામની દવા બધા માટે આપીજ છે. સમય ગમે તેવા દુઃખમાંથી બહાર લઈ આવે છે અથવા હળવું તો કરી જ દયે. આજ good f...
વધુ વાંચો

હંમેશા મને ગમે તે સારુ જ હોઈ એવું જરૂરી નથી....

છબી
  ૐ હંમેશા મને ગમે તે સારુ જ હોઈ એવું જરૂરી નથી.... ગમે તે વસ્તુ, વ્યક્તિ, વાત, કે બીજું કંઈપણ હોઈ, આપણી પાસે પસંદગી કરવાનાં કેટલા વિકલ્પો હોઈ છે??? તમે કહેશો કે હોઈ તો ઘણા બધા પણ આપણે બીજાને કેટલા આપીએ છીએ અને બીજા આપણને કેટલા આપે છે?? છેને વિચારવા જેવું.......... હંમેશા આપણી પાસે વધારે ના હોઈ તો કંઈ નહી પણ બે વિકલ્પ તો હોઈ જ છે. જોકે આપણે નાના હતા ત્યારે આપણને લગભગ ના કે બરાબર વિકલ્પ આપવામાં આવતો. નાનકડા હતા ત્યારથી લઈને તે છેક અત્યાર સુધી આપણે હંમેશા સમજૂતીઓ સાથે જ પસંદગી આપવામાં આવતી. જોકે બાલમંદિર, પ્રાથમિક શાળા પછી માધ્યમિક શાળા, જેમાં આવ્યા પછી વિષયોની પસંદગી કરવાની હોઈ. આજથી ત્રીસ વર્ષ પહેલા સાઇન્સ, કોમર્સ અને આર્ટસ આ જ હતા અને આમાંથી જ પસંદગી કરવાની હોઈ જોકે દસમામાં પછી બારમા સુધી તો ત્યારે ઘણાની વિકેટ પડી ગઈ હોઈ એટલે કે છોકરો હોઈ તો પિતાના ધંધામાં લગાડી દીધો હોઈ અને છોકરી હોઈ તો લગ્નની વાતો ચાલુ થઈ ગઈ હોઈ. જોકે એ સમયે એટલું બધું કરિયર ( કારકિર્દી ) બનાવવાનું ને આગળ વધવાનું ને ના તો કોઈ મોટિવેશન હતું કે ના એવું કોઈ વાતાવરણ હતું. પરંતુ અત્યારની વાત સાવ જુદી જ છે. સમય હંમેશા...
વધુ વાંચો

જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!!

છબી
  ૐ જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!! આ દુનિયા ઈશ્વરની પાઠશાળા છે અને આપણે અહીંયા શીખવા માટે જ મોકલવામાં આવે છે. કોઈ એમ કહે કે મને બધું આવડે છે ને હું બધું જાણું છું. તો હું કહીશ કે એ વ્યક્તિ જેવું અજ્ઞાની અને અબુધ કોઈ નથી. આપણે ક્યારેય એમ ના કહી શકીએ કે મેં બધું જ શીખી લીધું છે કે હું બધું જ જાણું છું. જ્ઞાન તો દરિયા જેટલું વિશાળ છે. આપણે તો ફક્ત ને ફક્ત અમુક ઘૂંટડા જ આપણા જીવનકાળ દરમિયાન પિયે છે. આપણી ચારે બાજુ જ્ઞાન ફેલાયેલું છે. એમાં ઘણું સારુ છે અને ઘણું ખરાબ પણ છે. આપણે આપણી દ્રષ્ટિને એવી રીતે કેળવવાની છે કે તે ખરાબ પરિસ્થિતિમાં પણ સકારાત્મક રહી શકે અને મન, બુદ્ધિ ને સ્થિર રાખી ખરાબ પરિસ્થિતિમાં પણ કંઈને કંઈ તક શોધી લ્યે. આપણે બધા જ ભણવા માટે નિશાળમાં, કોલેજમાં, યુનિવર્સિટીમાં અને મોટી પદવીઓ મેળવવા માટે વિદેશોમાં ભણવા જઈએ છીએ. આ બધા જ પુસ્તકીયું જ્ઞાન મેળવવાની પાઠશાળાઓ છે અને જેને મેળવવું ખૂબ જરૂરી છે. આ પુસ્તકીયા જ્ઞાનથી આપણે કેવી રીતે પૈસા કમાઈ શકીએ તે તો શીખી જઈએ છીએ પણ તેનો ઉપયોગ ક્યાં અને કઈ રીતે કરવો તેની માટે સદબુદ્ધિ અને ...
વધુ વાંચો