સમય / Time

 🕉

સમય / Time

જિંદગીમાં ક્યારેય કે કંઈ પણ એકસરખું નથી રહેતું. આપણે એમ ના કહી શકીએ એ કે ગઈકાલનો દિવસ આજના દિવસ જેવો હતો. કદાચ સરખો હોઈ પણ કઈંક તો જુદું હોઈ જ. હવે આ જુદું શું છે? તે શોધવું રહ્યું.

હમણાં અમારે ઈસ્ટરની બે અઠવાડિયાની રાજાઓ ચાલી રહી છે. આજ ખુબ સરસ સવાર છે ચાલો થોડું ચાલી આવીયે. ભરતદેશની શિયાળાની તાજગીભરી સવાર એટલે ઇંગ્લેન્ડની ઉનાળાની સવાર. જયારે ભણતા ત્યારે  દરરોજ સાંજે ગુરુકુળમાં સાત વાગ્યે જમવાનું અને પછી લગભગ પંદર મિનીટ મેદાનમાં મિત્રો સાથે ગપ્પા મારતા મારતા ચાલવાનું. આ દરોજનું નિયમિત હતું ત્યાં અને ખુબ મજા આવતી. અત્યારે જયારે સવારે ચાલીને કામે જાવ ત્યારે અચૂક ગુરુકુળ ને એ મિત્રોને યાદ કરું. એ પછી હવે ટેકનોલોજીનો જમાનો છે એટલે દરરોજ ચાલતી વખતે કોઈને ફોન દ્વારા સાથે લઈ જ લવ. જો તે વ્યસ્ત હોઈ તો ઈશ્વર તો હંમેશા આપણી માટે ફ્રી જ હોઈ છે આપણે જ એને નથી બોલાવતા. આપણને થાઈ કે ક્યાંક આપણા ઈમાનદારીના કે બેઈમાનીના કામમાં ખલેલ નો પડે.

અહીંયા નવો નવો તડકો પડે એટલે મજા આવે અને પછી જેમ આઠ દસ દિવસ એકધારો પડે એટલે એને કોસવાનું ચાલુ થાઈ કે ખુબ ગરમી છે. બહુ ઠંડી પડે તો તકલીફ, ગરમી પડે તો તકલીફ અને બહુ દિવસ વરસાદ પડે તો પણ તકલીફ. આપણને થાઈ કે બધું હંમેશા માપસર જ રહેતું હોઈ તો કેવું સારુ!!! માપનો વરસાદ, માપની ગરમી, માપની ઠંડી. જોકે એવાય દેશો છે કે જ્યાં બધું માપનું હોઈ. પણ આપણે મનુષ્ય છીએ હંમેશા એક જેવી ઘટમાણ જેવી જિંદગી હોઈ તો બધું કંટાણાજનક બની જાઈ. આથી આપણને નવીનતા ગમે છે. આ નવીનતાની શોધ માટે આપણે અવનવા અખતરાઓ કરીએ રાખીએ છીએ.

પણ કુદરત હંમેશા એના સમય પ્રમાણે જ વર્તે છે. સમય થાઈ ત્યારે સૂર્યદેવ બધા દેશોમાં એના આશીર્વાદ આપવા આવી જ જાઈ, સમય થાય એટલે શિયાળો આવી જાય, સમય થાઈ એટલે ઉનાળો આવી જાઈ અને સમય થાઈ એટલે વૃક્ષોમાં પાંદડા આવી જાઈ, ફૂલો ખીલી જાઈ. આમ કુદરત એના સમય પ્રમાણે વર્તે છે.

આ સમયસર બધું કરવું એ કુદરત પાસેથી શીખવું જોઈએ. કદાચ એટલે જ એટલા હજારો લખો વર્ષ સુધી આ પૃથ્વી ટકી રહી હશે. બધું સમયસર કરવું એ ખુબ જ સારો ગુણ છે જે આપણા જીવનમાં અપનાવવો જ જોઈએ.  કુદરતની જેમ માણસ પણ સમય પ્રમાણે જો વર્તે તો જીવન ચોક્કસ સાર્થક બને. એટલે કે સાદો નિયમ જોઈએ તો સુવા ટાઈમે સૂવું, ખાવા ટાઈમે ખાવું, કામના ટાઈમે કામ કરવું એની જેમ બાળપણમાં રમવું, ખુબ ભણવું, જુવાનીમાં કારકિર્દી બનાવવી, પરિવાર બનાવવો, બુઢાપામાં ઈશ્વર ભજન કરવું વગેરે બધું સમયસર હોઈ તો જિંદગી પણ સમયસર બધું આપે છે.

સમય ચુક્યો માણસ ક્યાંયનો નથી રહેતો. એટલે  સમય સૂચકતા વાપરી સમયને સાચવી લેવો. જો આપણે સમય પ્રમાણે સમય સાચવી લઈએ તો સમય પણ આપણને ચોક્કસ સાચવી લે છે. બરોબરને મિત્રો!!! તમારું શું કહેવું છે? ચોક્કસ જણાવશો.

તો તમારું ધ્યાન રાખશો, સ્વસ્થ રહો મસ્ત રહો. ફરી મળીએ ત્યાં સુધી શામડિવાઇનના પ્રણામ 🙏🙏🙏

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

ગૂડ ફ્રાયડે / Good Friday

છબી
 🕉 ગૂડ ફ્રાયડે / Good Friday આજ બીજી તારીખ બે નો આંકડો જિંદગીમાં કયારેય નહિ ભુલાઈ. જયારે આવશે ત્યારે મેં મારું મહત્વનું મારું ગુમાવ્યાનું યાદ હંમેશા આવશે. જોકે ભુલાતું તો ક્યારેય નથી પણ યાદ એ રીતે કરું છું કે મનમાં અને ચહેરા ઉપર એક સ્મિત આવી જાય અને એને મારી આજુબાજુમાં જ હોવાનું અનુભવું છું. ખુબ જ અઘરી હોઈ છે પોતાના સ્વજનની એ વિદાઈ એને એ જ સમજી શકે જેણે પોતાનાને ગુમાવ્યા હોઈ. પણ ઘણી વખત સ્વીકારવું ખૂબ અઘરું થઈ પડે છે કારણકે આપણે ક્યારેય એના વગરના જીવનની કલ્પના જ ના કરી હોઈ. જયારે અપેક્ષા હોઈ તેના કરતા ઓછું મળે તો ચોક્કસ નિરાશા અને દુઃખ થાઈ જ. પણ ફરીથી એ કુદરતના અટલ નિયમ આગળ કાળા માથાનો માનવી ખૂબ ટૂંકો પડે. આપણા માટે એની શું યોજનાઓ હોઈ એ તો એ જાણે પણ આપણા જીવનમાં સ્વજનની વિદાઈ ભૂકંપ લઈ આવે છે. અને આ ભૂકંપમાં જો તમે તમારા આત્માનું ઘડતર આધ્યાત્મિકતાથી કર્યુ હશે તો આંચકો ચોક્કસ લાગશે પણ મકાન તૂટીને વેરવિખેર નહિ થાઈ. બાકી ઈશ્વરે આ બધી રચના જ એ રીતે કરી છે કે એનું તંત્ર ચાલુજ રહે અને સમય નામની દવા બધા માટે આપીજ છે. સમય ગમે તેવા દુઃખમાંથી બહાર લઈ આવે છે અથવા હળવું તો કરી જ દયે. આજ good f...
વધુ વાંચો

હંમેશા મને ગમે તે સારુ જ હોઈ એવું જરૂરી નથી....

છબી
  ૐ હંમેશા મને ગમે તે સારુ જ હોઈ એવું જરૂરી નથી.... ગમે તે વસ્તુ, વ્યક્તિ, વાત, કે બીજું કંઈપણ હોઈ, આપણી પાસે પસંદગી કરવાનાં કેટલા વિકલ્પો હોઈ છે??? તમે કહેશો કે હોઈ તો ઘણા બધા પણ આપણે બીજાને કેટલા આપીએ છીએ અને બીજા આપણને કેટલા આપે છે?? છેને વિચારવા જેવું.......... હંમેશા આપણી પાસે વધારે ના હોઈ તો કંઈ નહી પણ બે વિકલ્પ તો હોઈ જ છે. જોકે આપણે નાના હતા ત્યારે આપણને લગભગ ના કે બરાબર વિકલ્પ આપવામાં આવતો. નાનકડા હતા ત્યારથી લઈને તે છેક અત્યાર સુધી આપણે હંમેશા સમજૂતીઓ સાથે જ પસંદગી આપવામાં આવતી. જોકે બાલમંદિર, પ્રાથમિક શાળા પછી માધ્યમિક શાળા, જેમાં આવ્યા પછી વિષયોની પસંદગી કરવાની હોઈ. આજથી ત્રીસ વર્ષ પહેલા સાઇન્સ, કોમર્સ અને આર્ટસ આ જ હતા અને આમાંથી જ પસંદગી કરવાની હોઈ જોકે દસમામાં પછી બારમા સુધી તો ત્યારે ઘણાની વિકેટ પડી ગઈ હોઈ એટલે કે છોકરો હોઈ તો પિતાના ધંધામાં લગાડી દીધો હોઈ અને છોકરી હોઈ તો લગ્નની વાતો ચાલુ થઈ ગઈ હોઈ. જોકે એ સમયે એટલું બધું કરિયર ( કારકિર્દી ) બનાવવાનું ને આગળ વધવાનું ને ના તો કોઈ મોટિવેશન હતું કે ના એવું કોઈ વાતાવરણ હતું. પરંતુ અત્યારની વાત સાવ જુદી જ છે. સમય હંમેશા...
વધુ વાંચો

જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!!

છબી
  ૐ જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!! આ દુનિયા ઈશ્વરની પાઠશાળા છે અને આપણે અહીંયા શીખવા માટે જ મોકલવામાં આવે છે. કોઈ એમ કહે કે મને બધું આવડે છે ને હું બધું જાણું છું. તો હું કહીશ કે એ વ્યક્તિ જેવું અજ્ઞાની અને અબુધ કોઈ નથી. આપણે ક્યારેય એમ ના કહી શકીએ કે મેં બધું જ શીખી લીધું છે કે હું બધું જ જાણું છું. જ્ઞાન તો દરિયા જેટલું વિશાળ છે. આપણે તો ફક્ત ને ફક્ત અમુક ઘૂંટડા જ આપણા જીવનકાળ દરમિયાન પિયે છે. આપણી ચારે બાજુ જ્ઞાન ફેલાયેલું છે. એમાં ઘણું સારુ છે અને ઘણું ખરાબ પણ છે. આપણે આપણી દ્રષ્ટિને એવી રીતે કેળવવાની છે કે તે ખરાબ પરિસ્થિતિમાં પણ સકારાત્મક રહી શકે અને મન, બુદ્ધિ ને સ્થિર રાખી ખરાબ પરિસ્થિતિમાં પણ કંઈને કંઈ તક શોધી લ્યે. આપણે બધા જ ભણવા માટે નિશાળમાં, કોલેજમાં, યુનિવર્સિટીમાં અને મોટી પદવીઓ મેળવવા માટે વિદેશોમાં ભણવા જઈએ છીએ. આ બધા જ પુસ્તકીયું જ્ઞાન મેળવવાની પાઠશાળાઓ છે અને જેને મેળવવું ખૂબ જરૂરી છે. આ પુસ્તકીયા જ્ઞાનથી આપણે કેવી રીતે પૈસા કમાઈ શકીએ તે તો શીખી જઈએ છીએ પણ તેનો ઉપયોગ ક્યાં અને કઈ રીતે કરવો તેની માટે સદબુદ્ધિ અને ...
વધુ વાંચો