નિર્ણય લેવાની ઈચ્છાશક્તિ / Willingness to make decisions

 🕉

નિર્ણય લેવાની ઈચ્છાશક્તિ

દરેક માણસની ઈચ્છા હોઈ કે બધું એનું ધાર્યું થાઈ, જીવનમાં જે કંઈ પણ ઈચ્છા હોઈ એ પૂરી થાઈ, એ જે ધારે તે કરી શકે, જે કામ કરે તેમાં તેને સો ટકા સફળતા મળે. હોઈ છે ને આવી ઈચ્છા. પણ આવી ઈચ્છા કોની ના હોઈ??? કોને જીવનમાં એની ઈચ્છા પૂરી કરવાવાળો અલાદીનનો જિન ના જોઈતો હોઈ???? બધાને એમ થાઈ કે કાશ મારી પાસે એ જિન હોઈ તો હું બધું જ મેળવી લવ અને દુનિયામાં બધાથી સુખી અને સમૃદ્ધ બની જાવ. બરોબરને!!!! શું ખરેખર આવું અલાદીનના જિન જેવું કંઈ હશે કે????

હું કહીશ, હા. આ અલાદીનની વાર્તા ખૂબ સરસ છે. જેમાં જિન એની બધી ઈચ્છાઓ પૂરી કરે છે પણ આપણાં બધા પાસે એક અલાદીનની જેમ જ જિન છે અને તે છે આપણું શક્તિશાળી મન.

જી હા!!! મનની તાકાત અદ્ભૂત છે જો તમને વાપરતા આવડે તો. જોકે મનની સરખામણી વાંદરા સાથે કરવામાં આવે છે. આપણું મન એટલું ચંચળ છે કે એક વસ્તુમાં કે એક વિચારમાં એક મિનિટ તો શું અડધી મિનિટ પણ ટકે નહિ. એક સંશોધન પ્રમાણે, આપણે મિનિટના 48 જેટલા વિચારો કરીએ છીએ અને દિવસના લગભગ 70.000 સીતેર હજાર જેટલા વિચારો આપણું મન કરી લ્યે છે. આપણે ક્યારેય આની ઉપર વિચાર કરતા જ નથી. આ વિચારોની એક અજબ દુનિયા છે. અત્યારે આપણે જે કોઈ મોટા આવિષ્કારો દુનિયામાં જોઈએ છે તે કોઈના વિચારોની જ દેન છે. ટીવી, કોમ્પ્યુટર, ફોન, મોબાઇલ ફોન, અરે સોઈથી માંડીને મોટા એરોપ્લેન અને કૃષજહાજો સુધીનું બધું વિચારોની જ દેન છે.એટલે વિચારવું ચોક્કસ પણ હંમેશા આપણા અને બીજાના કલ્યાણ માટેના વિચારો હોઈ તો ઉત્તમ.

તમારા મનમાં જેવા વિચારો હોઈ તેવી જ તમારી વાણી, વ્યવહાર અને વર્તન હોઈ છે. તમે કોઈના વર્તન ઉપરથી એના વિચારો વિશે અંદાજ લગાવી શકો છો. ઉદાહરણ તરીકે ક્રોધ પૂર્વકનું વર્તન, પ્રેમ પૂર્વકનું વર્તન, ઈર્ષાભાવ વાળું વર્તન, આ બધા ઉપરથી આપણે થોડે ઘણે અંશે જાણી જ શકીએ આવા વ્યવહાર પાછળ કેવા વિચારો કામ કરતા હશે.

આજકાલ સકારાત્મક વિચારો વિશે અને નકારાત્મક વિચારો વિશે એટલે કે positive અને negative વિચારો વિશે આપણે ઘણું સાંભળીએ અને વાંચીએ છીએ. તો શું આ ખરેખર કામ કરે છે??? જોઈએ તો આપણે બધા કાંઈ મનોવૈજ્ઞાનિક નથી પણ છતાંય આપણે આપણા વડીલો પાસેથી ઘણી વખત સાંભળ્યું હશે કે " સારુ સારુ વિચારો બધું જ સારુ થશે " આ શું છે? બીજું કાંઈ નહિ એક સકારાત્મક વલણ છે. ઘણી વખત આપણી સામે બધું જ એટલે બધું જ માણસો, પરસ્થિતિ, સમય બધું આપણી અપેક્ષાએ વિપરીત જ હોઈ ત્યારે આપણને સારા વિચારો કે સકારાત્મક વિચારો આવી જ ના શકે. પરંતુ આપણે  ક્યારેય એ સમય ઉપર ચિંતન નથી કરતા ખાલી ચિંતા કરીએ છીએ. આથી ઉપાય મળવાને બદલે પરિસ્થિતિને વધારે ખરાબ બનાવી દેતા હોઈ છે. જયારે દરેક પરિસ્થિતિ ઉપર આપણું મન શું વિચારે છે, બધું એની ઉપર આધાર રાખે છે.

એટલે જ મનને કેળવવું ખૂબ જરૂરી છે. બુદ્ધિ ત્યારે સ્થિર રહે જયારે મનને  કેળવેલું હોઈ અને મન ત્યારે કેળવાય જયારે તેને દરરોજ સારી શિખામણો આપીએ એટલે કે affirmations. દરરોજ સવારે ઉઠતાની સાથે એને સકારાત્મક વિચારોની શિખામણો આપવી, સારા આધ્યાત્મિક પુસ્તકોની સંગત આપવી, પ્રભુ નામનું સ્મરણ આપવું અને ઓછામાં ઓછી પાંચથી દસ મિનિટ સુધી શાંતિ પૂર્વક આંખો બંધ કરીને જોવું કે આપણું મન ક્યાં ક્યાં દોડે છે ખાલી નિરીક્ષણ કરવું. આટલુ કરવાની નિયમિત ટેવ પાડશું એટલે મન ઉપર ધીમે ધીમે બુદ્ધિનો વિજય થશે. પછી ગમે તેવી પરિસ્થિતિ કે સંજોગો હોઈ તમારું મન ચોક્કસ તટસ્થ રહીને વિચારશે અને સાચા નિર્ણય લઈ શકશે.


આવું મને લાગે છે. તમારું શું કહેવું છે? ચોક્કસ જણાવશો. તો ચાલો ફરી મળીયે ત્યાં સુધી સ્વસ્થ રહો, મસ્ત રહો. સ્વાકરતા રહો શામડિવાઇનના પ્રણામ 🙏🙏🙏

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

ગૂડ ફ્રાયડે / Good Friday

છબી
 🕉 ગૂડ ફ્રાયડે / Good Friday આજ બીજી તારીખ બે નો આંકડો જિંદગીમાં કયારેય નહિ ભુલાઈ. જયારે આવશે ત્યારે મેં મારું મહત્વનું મારું ગુમાવ્યાનું યાદ હંમેશા આવશે. જોકે ભુલાતું તો ક્યારેય નથી પણ યાદ એ રીતે કરું છું કે મનમાં અને ચહેરા ઉપર એક સ્મિત આવી જાય અને એને મારી આજુબાજુમાં જ હોવાનું અનુભવું છું. ખુબ જ અઘરી હોઈ છે પોતાના સ્વજનની એ વિદાઈ એને એ જ સમજી શકે જેણે પોતાનાને ગુમાવ્યા હોઈ. પણ ઘણી વખત સ્વીકારવું ખૂબ અઘરું થઈ પડે છે કારણકે આપણે ક્યારેય એના વગરના જીવનની કલ્પના જ ના કરી હોઈ. જયારે અપેક્ષા હોઈ તેના કરતા ઓછું મળે તો ચોક્કસ નિરાશા અને દુઃખ થાઈ જ. પણ ફરીથી એ કુદરતના અટલ નિયમ આગળ કાળા માથાનો માનવી ખૂબ ટૂંકો પડે. આપણા માટે એની શું યોજનાઓ હોઈ એ તો એ જાણે પણ આપણા જીવનમાં સ્વજનની વિદાઈ ભૂકંપ લઈ આવે છે. અને આ ભૂકંપમાં જો તમે તમારા આત્માનું ઘડતર આધ્યાત્મિકતાથી કર્યુ હશે તો આંચકો ચોક્કસ લાગશે પણ મકાન તૂટીને વેરવિખેર નહિ થાઈ. બાકી ઈશ્વરે આ બધી રચના જ એ રીતે કરી છે કે એનું તંત્ર ચાલુજ રહે અને સમય નામની દવા બધા માટે આપીજ છે. સમય ગમે તેવા દુઃખમાંથી બહાર લઈ આવે છે અથવા હળવું તો કરી જ દયે. આજ good f...
વધુ વાંચો

હંમેશા મને ગમે તે સારુ જ હોઈ એવું જરૂરી નથી....

છબી
  ૐ હંમેશા મને ગમે તે સારુ જ હોઈ એવું જરૂરી નથી.... ગમે તે વસ્તુ, વ્યક્તિ, વાત, કે બીજું કંઈપણ હોઈ, આપણી પાસે પસંદગી કરવાનાં કેટલા વિકલ્પો હોઈ છે??? તમે કહેશો કે હોઈ તો ઘણા બધા પણ આપણે બીજાને કેટલા આપીએ છીએ અને બીજા આપણને કેટલા આપે છે?? છેને વિચારવા જેવું.......... હંમેશા આપણી પાસે વધારે ના હોઈ તો કંઈ નહી પણ બે વિકલ્પ તો હોઈ જ છે. જોકે આપણે નાના હતા ત્યારે આપણને લગભગ ના કે બરાબર વિકલ્પ આપવામાં આવતો. નાનકડા હતા ત્યારથી લઈને તે છેક અત્યાર સુધી આપણે હંમેશા સમજૂતીઓ સાથે જ પસંદગી આપવામાં આવતી. જોકે બાલમંદિર, પ્રાથમિક શાળા પછી માધ્યમિક શાળા, જેમાં આવ્યા પછી વિષયોની પસંદગી કરવાની હોઈ. આજથી ત્રીસ વર્ષ પહેલા સાઇન્સ, કોમર્સ અને આર્ટસ આ જ હતા અને આમાંથી જ પસંદગી કરવાની હોઈ જોકે દસમામાં પછી બારમા સુધી તો ત્યારે ઘણાની વિકેટ પડી ગઈ હોઈ એટલે કે છોકરો હોઈ તો પિતાના ધંધામાં લગાડી દીધો હોઈ અને છોકરી હોઈ તો લગ્નની વાતો ચાલુ થઈ ગઈ હોઈ. જોકે એ સમયે એટલું બધું કરિયર ( કારકિર્દી ) બનાવવાનું ને આગળ વધવાનું ને ના તો કોઈ મોટિવેશન હતું કે ના એવું કોઈ વાતાવરણ હતું. પરંતુ અત્યારની વાત સાવ જુદી જ છે. સમય હંમેશા...
વધુ વાંચો

જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!!

છબી
  ૐ જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!! આ દુનિયા ઈશ્વરની પાઠશાળા છે અને આપણે અહીંયા શીખવા માટે જ મોકલવામાં આવે છે. કોઈ એમ કહે કે મને બધું આવડે છે ને હું બધું જાણું છું. તો હું કહીશ કે એ વ્યક્તિ જેવું અજ્ઞાની અને અબુધ કોઈ નથી. આપણે ક્યારેય એમ ના કહી શકીએ કે મેં બધું જ શીખી લીધું છે કે હું બધું જ જાણું છું. જ્ઞાન તો દરિયા જેટલું વિશાળ છે. આપણે તો ફક્ત ને ફક્ત અમુક ઘૂંટડા જ આપણા જીવનકાળ દરમિયાન પિયે છે. આપણી ચારે બાજુ જ્ઞાન ફેલાયેલું છે. એમાં ઘણું સારુ છે અને ઘણું ખરાબ પણ છે. આપણે આપણી દ્રષ્ટિને એવી રીતે કેળવવાની છે કે તે ખરાબ પરિસ્થિતિમાં પણ સકારાત્મક રહી શકે અને મન, બુદ્ધિ ને સ્થિર રાખી ખરાબ પરિસ્થિતિમાં પણ કંઈને કંઈ તક શોધી લ્યે. આપણે બધા જ ભણવા માટે નિશાળમાં, કોલેજમાં, યુનિવર્સિટીમાં અને મોટી પદવીઓ મેળવવા માટે વિદેશોમાં ભણવા જઈએ છીએ. આ બધા જ પુસ્તકીયું જ્ઞાન મેળવવાની પાઠશાળાઓ છે અને જેને મેળવવું ખૂબ જરૂરી છે. આ પુસ્તકીયા જ્ઞાનથી આપણે કેવી રીતે પૈસા કમાઈ શકીએ તે તો શીખી જઈએ છીએ પણ તેનો ઉપયોગ ક્યાં અને કઈ રીતે કરવો તેની માટે સદબુદ્ધિ અને ...
વધુ વાંચો