બાળપણનો રવિવાર એટલે થાકવાનો રવિવાર અને અત્યારનો રવિવાર એટલે થાક ઉતારવાનો રવિવાર

 ૐ

બાળપણનો રવિવાર એટલે થાકવાનો રવિવાર અને અત્યારનો રવિવાર એટલે થાક ઉતારવાનો રવિવાર

આજ પણ યાદ છે એ બાળપણના સોનેરી દિવસો. ખૂબ મજા કરતા. ભાઈ બેન સાથે, નિશાળના મિત્રો સાથે, ગલીના મિત્રો સાથે.  એ બિંદાસ  બાળપણની મજા જ કઈંક ઓર હતી.

એમાંય ભરતદેશમાં વિતાવેલું બાળપણ. એ ગલિયોમાં રમવાનું, એ બસમાં નિશાળે જવાનું, દરરોજ નિશાળે તો જવાનું જ પણ દરરોજ ટ્યૂશનમાં પણ જવાનું, એ નાના મોટા તહેવારો ઉજવવાની મજા, એ પહેલા વરસાદમાં ધરતીની મીઠી મીઠી એ સુગંધ, અગાસીના ભૂંગળામાંથી પડતા પાણીમાં મિત્રો સાથે નહાવું, સાતમ આઠમના મેળાની મજા,

દિવાળી ઉપર આખી ગલીના બધા ભેગા થઈને કરાતી રંગોળી અને અડધી રાત સુધી ફટાકડા ફોડવાની મજા, શેરીમાંથી જે નાના મોટા નીકળે એ બધાને હોળીના રંગો ઉડાડવા, આખા ઉનાળાના વેકેશનમાં મામાના ગામડે નાની પાસે રમવાની, નવી નવી પૌરાણિક વાર્તાઓ સાંભળવાની મજા અને બસ મજા મજા ને મજા જ હતી એ દિવસોમાં.

સમય સાથે બધું બદલાતું જાય છે અને સમયના વહેણમાં જીવન વહેતુ જાય છે. બાળપણ, જુવાની, પ્રોઢાવસ્થા અને ઘડપણ બધું ક્રમસર આવતું જાય છે. રોજ દિવસ કંઈને કંઈ શિખામણ અને બોધ આપીને જ જાય છે. આપણી પાસે જ અત્યારે એ સમજવાનો અને એને સાંભળવાનો સમય નથી. ફક્ત યાદ કરીને જ એટલી મજા આવે તો એવું જીવન જીવતા ત્યારે તો શું કહેવું? જોકે તોફાન કરતા તો મમ્મીના એ પ્રેમભર્યા માર સાથે મનપસંદ ખાવાનું પણ મળતું.

અત્યારની ખબર નથી પણ 80 માં અમારે શનિવારે પણ અડધો દિવસ નિશાળે જવું પડતું. અમારે રવિવારની જ રજા હતી. પણ એમાં એ એટલી મજા કરતા કે થાકી જવાતું. તોયે સોમવારે માથાકૂટ કરતા ઉઠીને નિશાળે તો જયે એજ મોજ સાથે. ત્યારે ક્યારેય મમ્મીને પૂછ્યું નહોતું કે હવે રજાઓ ક્યારેય પડશે કારણ કે ભારતમાં દરેક તહેવારોની રજાઓ પડતી.

ઉતરાણની, ગણતંત્ર દિવસની, પંદરમી ઓગસ્ટની, વસંતપંચમી, ગુરુપૂર્ણિમાની, હોળીની, સાતમઆઠમની, ઈદની, નાતાલની, દિવાળીનું વેકેશન, ઉનાળાનું વેકેશન અને બીજી પણ ઘણી રજાઓ આવતી. ખૂબ ખૂબ મજાઓ કરતા ખૂબ થાકીયે જતા પણ ક્યારેય એમ નહોતું કીધું કે આજ થાક ઉતારવાનો દિવસ છે. એટલે જ બાળપણના એ બિંદાસ દિવસોને સોનેરી સમય કહીએ છીએ.

સોનુ ભેગું કર્યુ હોઈ તો તકલીફના દિવસોમાં કામ લાગે એ જ રીતે જિંદગીના ધૂપછાવ ભર્યા દિવસોમાં, ક્યારેક નિરાશાભર્યા દિવસોમાં આ સુખદ સોનેરી દિવસો યાદ કરતા નવી તાજગી મનમાં ભરાઈ જાય છે. એ મિત્રોને યાદ કરતા એક હાસ્ય ચહેરા ઉપર આવી જાય છે. આભાર આ ટેક્નોલોજીનો કે એ જુના મિત્રો ફરી આટલા વર્ષે પણ મળી ગ્યા. સાથે નહી તો કંઈ નહી પણ દુનિયાના ખૂણેથી પણ મળી ગયા.

આજ હવે થાક ચડાવવાનો નહી પણ રવિવારે આખા અઠવાડિયાનો થાક ઉતારવાનો દિવસ હોઈ છે. ક્યારેક નહી હંમેશા એ જ વરસાદ છે, એજ તહેવારો છે અને એજ હું છું પણ ચોક્કસ કઈંક બદલાયું છે કે ફરીથી એ બિંદાસ બાળપણ જેવું ઘડપણ જીવાતું નથી........બાળપણ વિશેના તમારા વિચારો ચોક્કસ કહેશો...

તો ચાલો મિત્રો ફરી મળ્યે ત્યાં સુધી બધા જ આજને સુંદર બનાવજો કે જેથી ભવિષ્યમાં યાદ કરીએ તો મુખ ઉપર સુંદર હાસ્ય આવી જાય. બધા ખુબ સ્વસ્થ રહો, મસ્ત રહો, આનંદમાં રહો અને કોરાનાથી બચીને રહો એવી ઈશ્વર પાસે પ્રાર્થના સાથે શામડિવાઇનના પ્રણામ 🙏🙏🙏






ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

ગૂડ ફ્રાયડે / Good Friday

છબી
 🕉 ગૂડ ફ્રાયડે / Good Friday આજ બીજી તારીખ બે નો આંકડો જિંદગીમાં કયારેય નહિ ભુલાઈ. જયારે આવશે ત્યારે મેં મારું મહત્વનું મારું ગુમાવ્યાનું યાદ હંમેશા આવશે. જોકે ભુલાતું તો ક્યારેય નથી પણ યાદ એ રીતે કરું છું કે મનમાં અને ચહેરા ઉપર એક સ્મિત આવી જાય અને એને મારી આજુબાજુમાં જ હોવાનું અનુભવું છું. ખુબ જ અઘરી હોઈ છે પોતાના સ્વજનની એ વિદાઈ એને એ જ સમજી શકે જેણે પોતાનાને ગુમાવ્યા હોઈ. પણ ઘણી વખત સ્વીકારવું ખૂબ અઘરું થઈ પડે છે કારણકે આપણે ક્યારેય એના વગરના જીવનની કલ્પના જ ના કરી હોઈ. જયારે અપેક્ષા હોઈ તેના કરતા ઓછું મળે તો ચોક્કસ નિરાશા અને દુઃખ થાઈ જ. પણ ફરીથી એ કુદરતના અટલ નિયમ આગળ કાળા માથાનો માનવી ખૂબ ટૂંકો પડે. આપણા માટે એની શું યોજનાઓ હોઈ એ તો એ જાણે પણ આપણા જીવનમાં સ્વજનની વિદાઈ ભૂકંપ લઈ આવે છે. અને આ ભૂકંપમાં જો તમે તમારા આત્માનું ઘડતર આધ્યાત્મિકતાથી કર્યુ હશે તો આંચકો ચોક્કસ લાગશે પણ મકાન તૂટીને વેરવિખેર નહિ થાઈ. બાકી ઈશ્વરે આ બધી રચના જ એ રીતે કરી છે કે એનું તંત્ર ચાલુજ રહે અને સમય નામની દવા બધા માટે આપીજ છે. સમય ગમે તેવા દુઃખમાંથી બહાર લઈ આવે છે અથવા હળવું તો કરી જ દયે. આજ good f...
વધુ વાંચો

સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી.....

છબી
 ૐ સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી..... આ સંભળાવવું અને સાંભળવું, એવું નથી કે આપણા સમાજમાં જ બને છે દુનિયાના દરેક દેશના લોકો વચ્ચે થાઈ જ છે.બસ એટલું જ કે આપણા ભારતીય પરિવારોમાં વધારે થાઈ છે કારણ કે આપણા ભરતીયોમાં બીજા કરતા વધારે સંયુક્ત પરિવારો હોઈ છે. જ્યાં બધા સાથે રહેતા હોઈ ત્યાં કંઈક તો ખટરાગ ચાલુ હોઈ જ છે. પેલી કહેવત છે ને કે ચાર વાસણ ભેગા હોઈ તો ખખડે પણ ખરા. આ વાસણોને આપણે જ મૂકીએ છીએ અને આપણે જ ખખવાડીએ છીએ. પણ સબંધોમાં એવું નથી. સાથે હોઈ પણ એકબીજા વચ્ચે સમજણ ના હોય તો વાસણોની જેમ સબંધો પણ ખખડે છે. દરેક ઘર અને પરિવારોમાં સાથે રહેતા હોઈ કે જુદા રહેતા હોઈ પણ એવા સભ્યો હોઈ જ છે જેને વાતે વાતે દુઃખ લાગે, ગમે તેટલું કરો તોયે ઓછું આવે અને જરાક એવી પણ ભૂલ થાઈ તો બોલ્યા  વગર કે સંભળામળી કર્યા વગર ના જ રહે. આપણે બધાએ આ જોયું જ હશે. જયારે પણ તૈયારી કરતા હોઈએ ત્યારે એને ચોક્કસ યાદ કરશું અને કહેશું પણ ખરા કે સરખી રીતે કરજો નહીંતર એમનું સાંભળવું પડશે. આ બધા આપણા મનુષ્ય સ્વાભાવના ખેલ છે. પણ પરિવારમાં કોઈ એવું પણ ચોક્કસ હોઈ છે જે બધું સાંભળ્યા પછી પણ...
વધુ વાંચો

વિશ્વ પર્યાવરણ દિવસ / World Environment Day

છબી
  ૐ વિશ્વ પર્યાવરણ દિવસ / World Environment Day આપણે બધાએ ગઈકાલે વિશ્વ પર્યાવરણ દિવસ એટલે કે World Environment Day ના મેસેજ સોશિયલ મીડિયા ઉપર પોસ્ટ કર્યા. મેં પણ કર્યા. પણ શું આપણે ખરેખર એના વિશે કંઈ જાણીએ છીએ??? આજ થોડી વાત વિશ્વ પર્યાવરણ દિવસ ઉપર કરીએ. આજથી લગભગ લગભગ 47 વર્ષ પહેલા 5 જૂન 1974 થી  આ વિશ્વ પર્યાવરણ દિવસની શરૂઆત થઈ. તે પહેલા 1972માં પ્રથમ થઈ હતી તે પછી દર વર્ષે આ UN એટલે કે યુનાઈટેડ નેશન દ્વારા ચાલુ કરવામાં આવ્યો અને UN માં જોડાયેલા બધા દેશો વારાફરતી  જુદી જુદી થીમ ઉપર હોસ્ટ ( યજમાન બને ) કરે. 2021 ના યજમાન દેશ પાકિસ્તાન હતો અને થીમ હતી Ecosystem restoretion. આમ પૃથ્વી પરના બધા દેશો, હવા, પાણી, ખોરાક, પર્યાવરણ, આપણી કુદરતી ખનીજ સંપત્તિ, પૃથ્વીને સુરક્ષિત કરતું ઓઝોન લેયર, બીજી જીવ સૃષ્ટિ એટલે કે પશુ પંખીઓ વગેરે ઉપર જુદી જુદી થીમ નક્કી કરે, એક સ્લોગન એટલે કે એક નારો આપે અને તેની ઉપર કામ કરે. આપણે થોડા જોઈએ તો, 2005 - Green Cities – Plan for the Planet 2006 - Deserts and Desertification – Don't Desert Drylands! 2007 - Melting Ice – a Hot Topic? 2008 - Kick The...
વધુ વાંચો