હું કહુંને તમે આપો તો માંગણી જેવું લાગે, પરંતુ માંગ્યા વગર આપો તો લાગણી જેવું લાગે....

 ૐ

હું કહુંને તમે આપો તો માંગણી જેવું લાગે, પરંતુ માંગ્યા વગર આપો તો લાગણી જેવું લાગે....

આપણી ગુજરાતીમાં એક કહેવત છે કે, " માંગ્યા વગર મા એ ના આપે ". એટલે કે આપણે કંઈ જોઈતું હોઈ તો માંગવું પડે, બોલવું પડે તો જ મળે. નાનકડું બાળક હોઈ ત્યારે એ રડે તો જ મા દૂધ પીવડાવે કે રમકડું આપે છે. છતાએ ત્યાં લાગણીનો સંબંધ જોવા મળે છે. બાળકો નાના હોઈ કે મોટા હોઈ મા તરફથી હંમેશા કનેક્શન મજબૂત હોઈ છે પરંતુ બાળકો તરફથી ઘણી વખત રુકાવટ કે લિયે ખેદ જોવા મળે છે. સાચા સંબંધ તો લાગણીઓના સંબંધ હોઈ છે. કેટલું સુંદર કહેવાઈ કે આપણે કંઈ બોલીએ એ પહેલા જ કોઈ આપણને સમજી જાય. આપણે કંઈ માંગીએ એ પહેલા જ સામેની વ્યક્તિ આપણને આપી દયે. શું આવા સંબધો હોઈ??

આવા સંબધો હતા એ ખબર છે. શ્રી ક્રિષ્નએ સુદામાના માંગ્યા પહેલા જ બધું આપી દીધું. દ્રૌપદીએ દુઃખમાં યાદ કરીયા ભેગા જ મદદ કરી દીધી. કેટલું સુંદર!!!! આ લોહીના સંબધો નોહતા. પરંતુ હૃદયથી હૃદયની લાગણીનાં સંબધો હતા. લોહીના સંબધો તો આપણે માનવા જ પડે પછી તે આપણને ગમે કે ના ગમે પરંતુ લાગણીના સંબધો એવા સંબધો છે કે જેને આપણે દિલથી નિભાવીએ, જેના તાર એક દિલથી બીજા દિલ સુધી કનેકશન વગર જ જોડાયેલા હોઈ છે. જેમાં એકને તકલીફ પડે કે તરત જ બીજો હાજર થઈ જાય. જોકે તકલીફ જ ના પડવા દયે એ જ સાચો સંબંધ. આવા સંબધો હોઈને તો એને પૈસા કરતા પણ વધારે માનથી અને કાળજીથી જાળવવા જોઈએ. આવા અમૂલ્ય સંબધો હશે તો પૈસો તો આમ આવી જશે પણ જો આવા સંબધો નહી હોઈ તો એ પૈસો પણ ધૂળ લાગશે કારણ કે એ પૈસાથી આવા નિઃસ્વાર્થ સંબધો ખરીદી નહી શકાઈ. આવા અમૂલ્ય સંબધો ભાઈ ભાઈ વચ્ચે, બેન ભાઈ વચ્ચે, માતા પિતા અને સંતાનો વચ્ચે કે પછી લોહીના સંબધ વગરના મિત્રો વચ્ચે હોઈ શકે. સાચી મજા જ એ છે કે કીધા વગર કોઈ આપણી વાત સમજી જાય. જ્યાં માંગ્યા વગર મળે તે પ્રેમ છે પણ જ્યાં માંગ્યા પછી પ્રેમ મળે તો એય ભીખ છે.

મિત્રો ચોક્કસ વિચારજો કે આપણે કેવા મિત્ર છે? કેવા સંતાન છે? કેવા પ્રેમી કે પ્રેમિકા કે પતિ કે પત્ની છે? કેવા માતા પિતા કે સંતાનો છે? આપણે માંગવું પડે છે?? આપણે માંગ્યા વગર કંઈ પણ કોઈને આપીએ છીએ??? જો જવાબ હા હોઈ તો ખૂબ સરસ!! પણ જો જવાબ ના હોઈ તો આપણે જ એ વ્યક્તિ કેમ ના બનીએ કે જે માગ્યા વગર જ બીજાને આપીએ. આપણી માટે એવા નિઃસ્વાર્થ સંબંધ શોધવા જઈએ એ પહેલા આપણે જ એવા કેમ ના બનીએ!!!! જો એવો સંબંધ દુનિયામાં ના મળે તો આ દુનિયા બનાવનાર પરમાત્મા સાથે જોડજો. ત્યાં ક્યારેય નિરાશા નહી મળે, કદાચ મોડું થાઈ. અને ત્યાં આ પ્રાર્થના સાથે બોલશો કે, હે! પ્રભુ હું કહુંને તમે આપો તો માંગણી જેવું લાગે, પણ મારાં માંગ્યા વગર આપો તો લાગણી જેવું લાગે.....

તો ચાલો મિત્રો તો પહેલો એ લાગણીનો સંબંધ એ ઈશ્વર સાથે જ જોડીએ પછી જ દુનિયામાં શોધીએ. બરોબર ને!!! તમે શું કહો છો?? ચોક્કસ જણાવશો. ફરી મળ્યે ત્યાં સુધી બધા સ્વસ્થ રહો, મસ્ત રહો, ખુબ આનંદમાં રહો અને કોરોનાથી બચીને રહો એવી ઈશ્વર પાસે પ્રાર્થના સાથે શામડિવાઇનના પ્રણામ 🙏🙏🙏













ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી.....

છબી
 ૐ સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી..... આ સંભળાવવું અને સાંભળવું, એવું નથી કે આપણા સમાજમાં જ બને છે દુનિયાના દરેક દેશના લોકો વચ્ચે થાઈ જ છે.બસ એટલું જ કે આપણા ભારતીય પરિવારોમાં વધારે થાઈ છે કારણ કે આપણા ભરતીયોમાં બીજા કરતા વધારે સંયુક્ત પરિવારો હોઈ છે. જ્યાં બધા સાથે રહેતા હોઈ ત્યાં કંઈક તો ખટરાગ ચાલુ હોઈ જ છે. પેલી કહેવત છે ને કે ચાર વાસણ ભેગા હોઈ તો ખખડે પણ ખરા. આ વાસણોને આપણે જ મૂકીએ છીએ અને આપણે જ ખખવાડીએ છીએ. પણ સબંધોમાં એવું નથી. સાથે હોઈ પણ એકબીજા વચ્ચે સમજણ ના હોય તો વાસણોની જેમ સબંધો પણ ખખડે છે. દરેક ઘર અને પરિવારોમાં સાથે રહેતા હોઈ કે જુદા રહેતા હોઈ પણ એવા સભ્યો હોઈ જ છે જેને વાતે વાતે દુઃખ લાગે, ગમે તેટલું કરો તોયે ઓછું આવે અને જરાક એવી પણ ભૂલ થાઈ તો બોલ્યા  વગર કે સંભળામળી કર્યા વગર ના જ રહે. આપણે બધાએ આ જોયું જ હશે. જયારે પણ તૈયારી કરતા હોઈએ ત્યારે એને ચોક્કસ યાદ કરશું અને કહેશું પણ ખરા કે સરખી રીતે કરજો નહીંતર એમનું સાંભળવું પડશે. આ બધા આપણા મનુષ્ય સ્વાભાવના ખેલ છે. પણ પરિવારમાં કોઈ એવું પણ ચોક્કસ હોઈ છે જે બધું સાંભળ્યા પછી પણ...
વધુ વાંચો

આજ જન્માષ્ટમી.......

છબી
  ૐ આજ જન્માષ્ટમી....... આજથી લગભગ પાંચ હજાર વર્ષ પહેલા ભગવાન વિષ્ણુએ શ્રી કૃષ્ણના રૂપે જન્મ લીધો હતો. તેઓ ભગવાન વિષ્ણુના આઠમા અવતાર હતાં.  સૌવથી વધારે પૂજાતા ઈશ્વરના અવતાર હોઈ તો એ ભગવાન રામ, શ્રી કૃષ્ણ અને બુદ્ધ છે જેને અત્યારે પણ મોટી સંખ્યામાં લોકો મને છે અને પૂજે છે. આજથી લગભગ પાંચ હજાર વર્ષો પહેલા શ્રાવણ મહિનાની અંધારી આઠમે, મધ્ય રાત્રીએ પ્રભુએ જન્મ લીધો. લોકો કહે છે કે સતયુગમાં બધું સુંદરને સારૂ જ હતું પણ જ્યારથી દુનિયા બની છે ત્યારથી સારૂ અને ખરાબ સાથે જ ચાલતું આવે છે. જો બધું સારૂ સારૂ જ હોત તો ઈશ્વરે ધરતી ઉપર આવવું જ ના પડ્યું હોત. ઈશ્વર આપણને આ દુનિયામાં આપણા આત્માને કઈંક શીખવા અને તેનો પરમાત્મા તરફ ગતિ અને વિકાસ કરવા મોકલે છે અને આપણને સાથે આ સુંદર દુનિયામાં ફસાવવા માટે બધા સંબંધો, લાગણીઓ અને મોહથી બાંધે પણ છે. બસ આમાંથી આપણે જળકમળવત રહી, કેવી રીતે જીવીએ છીએ તેજ આપણી સૌવથી મોટી કસોટી છે. પણ આપણે મનુષ્યો એની એ લીલાને સમજતા નથી અને સંસારના કાદવમાં ફસાતા જઈએ છે અને સારા નરસા કર્મોના બંધનની ગાંઠો વાળતા જઈએ છીએ અને પછી જન્મોજન્મના ફેરા કરતા રહીએ છીએ અને ગાંઠો છોડવા કરતા...
વધુ વાંચો

સુખી થવું અઘરું નથી પણ બીજા કરતા વધારે સુખી થવું એ મુશ્કેલ છે../It is not difficult to be happy but it is difficult to be happier than others.

છબી
  ૐ સુખી થવું અઘરું નથી પણ બીજા કરતા વધારે સુખી થવું એ મુશ્કેલ છે../It is not difficult to be happy but it is difficult to be happier than others. આપણે જીંદગીમાં નિરીક્ષણથી ઘણું બધું શીખીએ છીએ. જોકે જીવનમાં મોટાભાગનું આપણે બીજાને જોઈને જ શીખ્યા હશું, વિચાર કરી જોજો.......... આવ્યું યાદ, જી હા!! નાના હતા ત્યારે બોલતા, ચાલતા, ખાતા વગેરે વગેરે.... આપણે જયારે બીજાને જોઈએ છે ત્યારે આપણને જો એ ગમે તો આપણે પણ તેવી રીતે અથવા તો થોડી જુદી રીતે કરવાની કોશિશ કરીએ છીએ. બરોબરને!!!! જીવનની મુખ્ય જરૂરિયાત રોટી, કપડાં, મકાન અને શિક્ષણ છે. કહેવાઈ છે ને બધાને ભગવાન ભૂખ્યા ઉઠાડે છે પણ કોઈને ભૂખ્યા સુવડાવતો નથી. કીડીને કણ અને હાથીને મણ મળી જ રહે છે. ઉપાદી તો એના કરતા વધારે અને બીજાની પાસે છે તેના કરતા વધારે મેળવવાની ધમાલમાં છે. જોવા જઈએ તો અત્યારે આ મુશ્કેલીના સમયમાં એટલે કે કોરોનાના સમયમાં લાખો લોકોના કામ ધંધા બંધ અથવા તો સાવ મંદા થઈ ગયા છે અને ગરીબોને પણ મજૂરી વગેરે મળતી બંધ થઈ ગઈ છે પણ એવું લગભગ કોઈ નહી હોઈ કે જેને બટકો અનાજ ના મળ્યું હોઈ. આ કોવિદના સમયે આપણને એક વાત ચોક્કસ સમજાવી છે કે આપણને લાગતુ...
વધુ વાંચો