બની શકે તો બનાવો, બગાડોમાં...../Make it if possible, don't spoil it....

 ૐ

બની શકે તો બનાવો, બગાડોમાં...../Make it if possible, don't spoil it.....

કોઈ પણ વસ્તુને બનાવતા જેટલો સમય લાગે છે તેટલો સમય બગાડવામાં નથી લાગતો. એક સામાન્ય જ ઉદાહરણ લઈએ. તમે ક્યારેય નાનકડા બાળકને લોગોની ઈમારત બનાવતા કે પઝલ બનાવતા જોયું છે? કેટલી ધગસથી અને ઉત્સાહથી બનાવતું હોઈ છે, એને બનાવતા એને અડધી કલાક લાગે . એ જ ઇમારત કે પઝલને બગાડવા માટે તેને પાંચ સેકન્ડ જ બસ છે. આપણે જયારે ઘર ચણાવતા હોઈ ત્યારે તેને બનતા મહિનાઓ લાગી જાય છે પરંતુ તેને પાડવું હોઈ તો થોડીક ક્ષણો જ પૂરતી છે.

આવું જ કંઈ સંબંધોમાં પણ બનતું હોઈ છે. આપણે મનુષ્યો સામાજિક પ્રાણી છે. તેને સંબંધો વગર નથી ચાલતું. પરિવારમાં અને મિત્રોની વચ્ચે રહેતા આપણે હંમેશા આપણી લાગણીઓ વ્યક્ત કરતા રહીએ છીએ. આ સંબધો વિશ્વાસ, સચ્ચાઈ અને પ્રેમના પાયા ઉપર ટકતા હોઈ છે. નાનકડા બાળકના પઝલની જેમ સંબધો બનાવતા વાર લાગે છે પણ બગાડવાં માટે એક ક્ષણ જ પૂરતી છે. એક નાનકડો શંકાનો કાંટો સંબંધોમાં જો લાગી જાઈને તો એ આખી જીંદગી પીડા આપે છે. અને એ કાંટો નીકળી પણ જાય કદાચ પણ એ સંબંધ પહેલા જેવો નથી રહેતો.

આપણને જયારે પણ આ સંબધોને જોડવાની તક મળે તો તેમાં સોઇનું કામ કરજો કાતરનું નહી કારણકે સોઈ  બે વસ્તુને જોડવાનુ કામ કરે છે જયારે કાતર બે વસ્તુને જુદા કરવાનું, કાપવાનુ કામ કરે. આજ દુનિયામાં કાતર જેવા ઘણા છે પણ સોઈ જેવા બહુ થોડા છે. અત્યારે સંબંધોમાં પારદર્શિતા ઓછી જોવા મળે છે. બધા જ કંઈને કંઈ સંતાડતા રહેતા હોઈ છે. ઈમાનદારી, પ્રામાણિકતા, સચ્ચાઈ બધાને ગમતી હોઈ છે અને બધા જ સામે વાળી વ્યક્તિ પાસે એની અપેક્ષા રાખતા હોઈ છે પણ પોતે એ સચ્ચાઈ, ઈમાનદારી અને પ્રામાણિકતા બતાવી નથી શકતા. આથી એની જ આશા રાખો કે જે તમે બીજાને આપી શકો.

આજ સંબધો બનાવવા વાળા કરતા બગાડવા વાળા ઘણા છે. બીજા સંબધો તો ઠીક પણ જયારે પતિ-પત્ની ના પવિત્ર સંબંધમાં ખટાસ આવે ત્યારે પરિવારોનો પાયો જ હલી જાય છે. પણ જે કોઈ કારણ હોઈ પણ જયારે આપણને ઈશ્વર મોકો આપે તો સળગતામાં ઘી હોમવાની જગ્યાએ ઠંડુ પાણી નાખી તેને ઠારવાનું કામ કરવાનું.   એ પરિવાર એ સંબંધને જોડવાનુ, સમજાવવાનું કામ કરવું. બનાવવા વાળો ભગવાનનો દરજજો મેળવે છે પણ બગાડવા વાળો કોઈ શૈતાનથી ઓછો નથી. જોકે જે વ્યક્તિ બીજાના ઘર, સંબંધ અને પરિવાર તોડે છે તેને પણ એક દિવસ કુદરતના ન્યાયની કિંમત ચૂકવવી જ પડે છે. હંમેશા સાચાને સાથ આપો અને જે સચ્ચાઈને  સ્વીકારી શકે તે સંબંધ પણ નિભાવી શકે.

જે કુદરત, પ્રકૃતિને ઉછેરવમાં હજારો વર્ષો લગાડે છે તેજ કુદરતને તેનો વિનાશ કરવા માટે એક મિનિટનો ભૂકંપ જ કાફી થઈ પડે છે. હંમેશા બગાડતા પહેલા યાદ રાખો કે તેને બનતા વર્ષો લાગ્યા છે. હા ઘણી વખત નાવાના સર્જન માટે જૂનું તોડવું પડે છે પરંતુ સંબધોમાં જો કંઈ તોડવું જ હોઈ તો જૂની ખોટી રૂઢિઓ, માન્યતાઓ અને સંબધોને શોષણ કરનારા રિવાજો તોડો પછી જોજો કેટલું સુંદર બની જાય છે ચારેય બાજુ!!!!

તો ચાલો મિત્રો સર્જનના સહકારી બન્યે, વિનાશના નહી. ફરી મળ્યે ત્યાં સુધી બધા ખૂબ સ્વસ્થ રહો, મસ્ત રહો અને ખૂબ આનંદમાં રહો એવી ઈશ્વર પાસે પ્રાર્થના સાથે શામડિવાઇનના પ્રણામ 🙏🙏🙏




ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી.....

છબી
 ૐ સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી..... આ સંભળાવવું અને સાંભળવું, એવું નથી કે આપણા સમાજમાં જ બને છે દુનિયાના દરેક દેશના લોકો વચ્ચે થાઈ જ છે.બસ એટલું જ કે આપણા ભારતીય પરિવારોમાં વધારે થાઈ છે કારણ કે આપણા ભરતીયોમાં બીજા કરતા વધારે સંયુક્ત પરિવારો હોઈ છે. જ્યાં બધા સાથે રહેતા હોઈ ત્યાં કંઈક તો ખટરાગ ચાલુ હોઈ જ છે. પેલી કહેવત છે ને કે ચાર વાસણ ભેગા હોઈ તો ખખડે પણ ખરા. આ વાસણોને આપણે જ મૂકીએ છીએ અને આપણે જ ખખવાડીએ છીએ. પણ સબંધોમાં એવું નથી. સાથે હોઈ પણ એકબીજા વચ્ચે સમજણ ના હોય તો વાસણોની જેમ સબંધો પણ ખખડે છે. દરેક ઘર અને પરિવારોમાં સાથે રહેતા હોઈ કે જુદા રહેતા હોઈ પણ એવા સભ્યો હોઈ જ છે જેને વાતે વાતે દુઃખ લાગે, ગમે તેટલું કરો તોયે ઓછું આવે અને જરાક એવી પણ ભૂલ થાઈ તો બોલ્યા  વગર કે સંભળામળી કર્યા વગર ના જ રહે. આપણે બધાએ આ જોયું જ હશે. જયારે પણ તૈયારી કરતા હોઈએ ત્યારે એને ચોક્કસ યાદ કરશું અને કહેશું પણ ખરા કે સરખી રીતે કરજો નહીંતર એમનું સાંભળવું પડશે. આ બધા આપણા મનુષ્ય સ્વાભાવના ખેલ છે. પણ પરિવારમાં કોઈ એવું પણ ચોક્કસ હોઈ છે જે બધું સાંભળ્યા પછી પણ...
વધુ વાંચો

આજ જન્માષ્ટમી.......

છબી
  ૐ આજ જન્માષ્ટમી....... આજથી લગભગ પાંચ હજાર વર્ષ પહેલા ભગવાન વિષ્ણુએ શ્રી કૃષ્ણના રૂપે જન્મ લીધો હતો. તેઓ ભગવાન વિષ્ણુના આઠમા અવતાર હતાં.  સૌવથી વધારે પૂજાતા ઈશ્વરના અવતાર હોઈ તો એ ભગવાન રામ, શ્રી કૃષ્ણ અને બુદ્ધ છે જેને અત્યારે પણ મોટી સંખ્યામાં લોકો મને છે અને પૂજે છે. આજથી લગભગ પાંચ હજાર વર્ષો પહેલા શ્રાવણ મહિનાની અંધારી આઠમે, મધ્ય રાત્રીએ પ્રભુએ જન્મ લીધો. લોકો કહે છે કે સતયુગમાં બધું સુંદરને સારૂ જ હતું પણ જ્યારથી દુનિયા બની છે ત્યારથી સારૂ અને ખરાબ સાથે જ ચાલતું આવે છે. જો બધું સારૂ સારૂ જ હોત તો ઈશ્વરે ધરતી ઉપર આવવું જ ના પડ્યું હોત. ઈશ્વર આપણને આ દુનિયામાં આપણા આત્માને કઈંક શીખવા અને તેનો પરમાત્મા તરફ ગતિ અને વિકાસ કરવા મોકલે છે અને આપણને સાથે આ સુંદર દુનિયામાં ફસાવવા માટે બધા સંબંધો, લાગણીઓ અને મોહથી બાંધે પણ છે. બસ આમાંથી આપણે જળકમળવત રહી, કેવી રીતે જીવીએ છીએ તેજ આપણી સૌવથી મોટી કસોટી છે. પણ આપણે મનુષ્યો એની એ લીલાને સમજતા નથી અને સંસારના કાદવમાં ફસાતા જઈએ છે અને સારા નરસા કર્મોના બંધનની ગાંઠો વાળતા જઈએ છીએ અને પછી જન્મોજન્મના ફેરા કરતા રહીએ છીએ અને ગાંઠો છોડવા કરતા...
વધુ વાંચો

હું કહુંને તમે આપો તો માંગણી જેવું લાગે, પરંતુ માંગ્યા વગર આપો તો લાગણી જેવું લાગે....

છબી
 ૐ હું કહુંને તમે આપો તો માંગણી જેવું લાગે, પરંતુ માંગ્યા વગર આપો તો લાગણી જેવું લાગે.... આપણી ગુજરાતીમાં એક કહેવત છે કે, " માંગ્યા વગર મા એ ના આપે ". એટલે કે આપણે કંઈ જોઈતું હોઈ તો માંગવું પડે, બોલવું પડે તો જ મળે. નાનકડું બાળક હોઈ ત્યારે એ રડે તો જ મા દૂધ પીવડાવે કે રમકડું આપે છે. છતાએ ત્યાં લાગણીનો સંબંધ જોવા મળે છે. બાળકો નાના હોઈ કે મોટા હોઈ મા તરફથી હંમેશા કનેક્શન મજબૂત હોઈ છે પરંતુ બાળકો તરફથી ઘણી વખત રુકાવટ કે લિયે ખેદ જોવા મળે છે. સાચા સંબંધ તો લાગણીઓના સંબંધ હોઈ છે. કેટલું સુંદર કહેવાઈ કે આપણે કંઈ બોલીએ એ પહેલા જ કોઈ આપણને સમજી જાય. આપણે કંઈ માંગીએ એ પહેલા જ સામેની વ્યક્તિ આપણને આપી દયે. શું આવા સંબધો હોઈ?? આવા સંબધો હતા એ ખબર છે. શ્રી ક્રિષ્નએ સુદામાના માંગ્યા પહેલા જ બધું આપી દીધું. દ્રૌપદીએ દુઃખમાં યાદ કરીયા ભેગા જ મદદ કરી દીધી. કેટલું સુંદર!!!! આ લોહીના સંબધો નોહતા. પરંતુ હૃદયથી હૃદયની લાગણીનાં સંબધો હતા. લોહીના સંબધો તો આપણે માનવા જ પડે પછી તે આપણને ગમે કે ના ગમે પરંતુ લાગણીના સંબધો એવા સંબધો છે કે જેને આપણે દિલથી નિભાવીએ, જેના તાર એક દિલથી બીજા દિલ સુધી કનેકશન...
વધુ વાંચો