આજ રાંધણ છઠ......

 ૐ

આજ રાંધણ છઠ......

શ્રાવણ મહિનો એટલે તહેવારોનો મહિનો. આ મહિનો ભોળાશંભુ મહાદેવનો છે અને તે જ મહિનામાં ભગવાન વિષ્ણુએ શ્રી કૃષ્ણના રૂપે જન્મ લીધો અને આ વિશ્વને ગીતા વચનો આપ્યા. એ શ્રાવણી અંધારી આઠમ એ જન્માષ્ટમી અને તેની એક દિવસ પહેલા સાતમ અને તેની પહેલા આવે રાંધણ છઠ. આજ એ જ રાંધણ છઠ છે.

આ તહેવારના નામમાં જ તેના વિશેની માહિતી આવી જાય છે. આજે જે લોકો સાતમ પાળે છે તે લોકો બે દિવસ માટે રસોઈ બનાવે છે કારણ કે સાતમ પાળવી એટલે એ દિવસે બધું ઠંડુ ખાવાનું. તમે ખાવાનું ગરમ ના કરી શકો. ખાલી ચા દૂધ ને પાણી શિવાય. જેના ઘરમાં નાના બાળકો હોઈ તે લોકો ખાસ સાતમ પાળે છે. શીતળામા  બાળકોનું રક્ષણ કરે છે. નાના હતાં ત્યારેથી જોયેલ આ તહેવાર એટલે ઘણી બધી યાદો જોડાયેલી છે આ તહેવાર સાથે. અમે સાતમ આઠમ જ કહીએ.

ભારતના તહેવારો ભારતમાં ઉજવવવી જે મજા આવે તે મજા ક્યાંય ના આવે. અહીંયા ઇંગ્લેન્ડમાં ઉજવીએ તો છીએ પણ ભારત જેટલી રોનક નથી આવતી. ક્યારેક રજા હોઈ ક્યારેક કામે પણ હોઈ છતાં સાતમ અચૂક પાળીએ છીએ. આજ પણ યાદ છે, જયારે નાના હતાં ત્યારે સાતમ આઠમની લગભગ અઠવાડિયા સુધી રજાઓ પડતી અને ચારથી પાંચ દિવસ સુધી મેળો હોઈ. નાગ પાંચમ અને રાંધણ છઠ, આ બે દિવસ તો નાસ્તાને મીઠાઈને બનાવવામાં પસાર થાઈ. શેરીમાંથી પસાર થાવ એટલે તમને ખાવાનાની જ સુગંધ આવે. બધું બની જાય પછી સાંજે ચૂલો ઠારવાનો હોઈ. બીજે દિવસે સાતમ એટલે બધું જે આગલા બે દિવસથી બનાવ્યું હોઈ તે ઠંડુ જ ખાવાનું હોઈ છે આથી રસોઈ કરવાની બૈરાઓને નિરાંત હોઈ છે. સવારે મંદિરે શીતળા માતાના દર્શન કરવા જાય. ત્યાં બાજરાના લોટની કુલેર અને શ્રીફળનો પ્રસાદ ધારાવાઈ સાથે જે બનાવ્યું હોઈ તે પણ લોકો ધરાવે. ઘણા ઉપવાસ કે એકટાણું પણ કરે અને નાના બાળકોને પગે લગાડે. સાંજે પણ ઠંડુ ખાવાનું હોવાથી નિરાંત હોઈ છે. આડોસ પાડોસ બધાને બનાવેલા નાસ્તાની થાળીઓ બનાવીને મોકલાઈ છે અને પાડોસીઓ પણ તેણે બનાવ્યું હોઈ તે મોકલાવે. ઘણા લોકો પતા રમે છે. ગામડાઓમાં પહેલા વાહનોની ઓછી સગવડતા હતી આથી ત્યાં લોકો પતા ખૂબ જ રમતા. હવે તો બધા મેળો કરવા આવે. ગયા વર્ષે અને આ વર્ષે કોરોનાના કારણે મેળો બંધ હશે પણ હવે પાછો ભરાશે ત્યારે કદાચ વધારે ઉત્સાહ અને આનંદથી લોકો માણશે. 

ગુજરાતમાં સૌવરાષ્ટ્ર્ર કહેવાતા આપણા પ્રદેશને કાઠિયાવાડ પણ કહેવાય છે. આપણા લગભગ મોટા શહેરોમાં સાતમ આઠમ ઉપર મેળો ભરાઈ છે અને ખૂબ માનવ મેદની ભરાઈ છે. એ મેળામાં જવાની પણ ખૂબ મજા આવતી. લગભગ દરરોજ જતા. પોરબંદરમાં દરિયાકિનારે ચોપાટી ઉપર ભરાતો. હજુ પણ ત્યાં જ હોઈ છે. હવે તો યૂટ્યૂબ ઉપર જોઈને માંણી લઈએ છે. એ જૂની યાદો તાજી કરી લઈએ. બાકી નદીનું પાણી પસાર થયા પછી એ પાણી પાછુ નથી આવતું તેની જેમ વીતી ગયેલો સમય પણ પાછો નથી આવતો આથી વર્તમાનને માણતા શીખો. વર્તમાનને જીવશો તો આપણી પાસે ભૂતકાળની જે યાદો હશે તે ખૂબ સરસ હશે. તો ચાલો મિત્રો બધા પોતપોતાના ઘરમાં બૈરાંઓની જે બનતી મદદ થાઈ તે ચોક્કસ કરજો.

ચાલો કાલે સાતમ કરવા ભેગા થશુ. બધા ખૂબ સ્વસ્થ રહો, મસ્ત રહો અને ખૂબ આનંદમાં રહો એવી ઈશ્વર પાસે પ્રાર્થના સાથે શામડિવાઇનના પ્રણામ 🙏🙏🙏



ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી.....

છબી
 ૐ સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી..... આ સંભળાવવું અને સાંભળવું, એવું નથી કે આપણા સમાજમાં જ બને છે દુનિયાના દરેક દેશના લોકો વચ્ચે થાઈ જ છે.બસ એટલું જ કે આપણા ભારતીય પરિવારોમાં વધારે થાઈ છે કારણ કે આપણા ભરતીયોમાં બીજા કરતા વધારે સંયુક્ત પરિવારો હોઈ છે. જ્યાં બધા સાથે રહેતા હોઈ ત્યાં કંઈક તો ખટરાગ ચાલુ હોઈ જ છે. પેલી કહેવત છે ને કે ચાર વાસણ ભેગા હોઈ તો ખખડે પણ ખરા. આ વાસણોને આપણે જ મૂકીએ છીએ અને આપણે જ ખખવાડીએ છીએ. પણ સબંધોમાં એવું નથી. સાથે હોઈ પણ એકબીજા વચ્ચે સમજણ ના હોય તો વાસણોની જેમ સબંધો પણ ખખડે છે. દરેક ઘર અને પરિવારોમાં સાથે રહેતા હોઈ કે જુદા રહેતા હોઈ પણ એવા સભ્યો હોઈ જ છે જેને વાતે વાતે દુઃખ લાગે, ગમે તેટલું કરો તોયે ઓછું આવે અને જરાક એવી પણ ભૂલ થાઈ તો બોલ્યા  વગર કે સંભળામળી કર્યા વગર ના જ રહે. આપણે બધાએ આ જોયું જ હશે. જયારે પણ તૈયારી કરતા હોઈએ ત્યારે એને ચોક્કસ યાદ કરશું અને કહેશું પણ ખરા કે સરખી રીતે કરજો નહીંતર એમનું સાંભળવું પડશે. આ બધા આપણા મનુષ્ય સ્વાભાવના ખેલ છે. પણ પરિવારમાં કોઈ એવું પણ ચોક્કસ હોઈ છે જે બધું સાંભળ્યા પછી પણ...
વધુ વાંચો

આજ જન્માષ્ટમી.......

છબી
  ૐ આજ જન્માષ્ટમી....... આજથી લગભગ પાંચ હજાર વર્ષ પહેલા ભગવાન વિષ્ણુએ શ્રી કૃષ્ણના રૂપે જન્મ લીધો હતો. તેઓ ભગવાન વિષ્ણુના આઠમા અવતાર હતાં.  સૌવથી વધારે પૂજાતા ઈશ્વરના અવતાર હોઈ તો એ ભગવાન રામ, શ્રી કૃષ્ણ અને બુદ્ધ છે જેને અત્યારે પણ મોટી સંખ્યામાં લોકો મને છે અને પૂજે છે. આજથી લગભગ પાંચ હજાર વર્ષો પહેલા શ્રાવણ મહિનાની અંધારી આઠમે, મધ્ય રાત્રીએ પ્રભુએ જન્મ લીધો. લોકો કહે છે કે સતયુગમાં બધું સુંદરને સારૂ જ હતું પણ જ્યારથી દુનિયા બની છે ત્યારથી સારૂ અને ખરાબ સાથે જ ચાલતું આવે છે. જો બધું સારૂ સારૂ જ હોત તો ઈશ્વરે ધરતી ઉપર આવવું જ ના પડ્યું હોત. ઈશ્વર આપણને આ દુનિયામાં આપણા આત્માને કઈંક શીખવા અને તેનો પરમાત્મા તરફ ગતિ અને વિકાસ કરવા મોકલે છે અને આપણને સાથે આ સુંદર દુનિયામાં ફસાવવા માટે બધા સંબંધો, લાગણીઓ અને મોહથી બાંધે પણ છે. બસ આમાંથી આપણે જળકમળવત રહી, કેવી રીતે જીવીએ છીએ તેજ આપણી સૌવથી મોટી કસોટી છે. પણ આપણે મનુષ્યો એની એ લીલાને સમજતા નથી અને સંસારના કાદવમાં ફસાતા જઈએ છે અને સારા નરસા કર્મોના બંધનની ગાંઠો વાળતા જઈએ છીએ અને પછી જન્મોજન્મના ફેરા કરતા રહીએ છીએ અને ગાંઠો છોડવા કરતા...
વધુ વાંચો

સુખી થવું અઘરું નથી પણ બીજા કરતા વધારે સુખી થવું એ મુશ્કેલ છે../It is not difficult to be happy but it is difficult to be happier than others.

છબી
  ૐ સુખી થવું અઘરું નથી પણ બીજા કરતા વધારે સુખી થવું એ મુશ્કેલ છે../It is not difficult to be happy but it is difficult to be happier than others. આપણે જીંદગીમાં નિરીક્ષણથી ઘણું બધું શીખીએ છીએ. જોકે જીવનમાં મોટાભાગનું આપણે બીજાને જોઈને જ શીખ્યા હશું, વિચાર કરી જોજો.......... આવ્યું યાદ, જી હા!! નાના હતા ત્યારે બોલતા, ચાલતા, ખાતા વગેરે વગેરે.... આપણે જયારે બીજાને જોઈએ છે ત્યારે આપણને જો એ ગમે તો આપણે પણ તેવી રીતે અથવા તો થોડી જુદી રીતે કરવાની કોશિશ કરીએ છીએ. બરોબરને!!!! જીવનની મુખ્ય જરૂરિયાત રોટી, કપડાં, મકાન અને શિક્ષણ છે. કહેવાઈ છે ને બધાને ભગવાન ભૂખ્યા ઉઠાડે છે પણ કોઈને ભૂખ્યા સુવડાવતો નથી. કીડીને કણ અને હાથીને મણ મળી જ રહે છે. ઉપાદી તો એના કરતા વધારે અને બીજાની પાસે છે તેના કરતા વધારે મેળવવાની ધમાલમાં છે. જોવા જઈએ તો અત્યારે આ મુશ્કેલીના સમયમાં એટલે કે કોરોનાના સમયમાં લાખો લોકોના કામ ધંધા બંધ અથવા તો સાવ મંદા થઈ ગયા છે અને ગરીબોને પણ મજૂરી વગેરે મળતી બંધ થઈ ગઈ છે પણ એવું લગભગ કોઈ નહી હોઈ કે જેને બટકો અનાજ ના મળ્યું હોઈ. આ કોવિદના સમયે આપણને એક વાત ચોક્કસ સમજાવી છે કે આપણને લાગતુ...
વધુ વાંચો