જ્યારે કંઈ ના કરી શકો, ત્યારે પ્રાર્થના જરૂર કરો....../ When you can't do anything, you need to pray ....

 ૐ

જ્યારે કંઈ ના કરી શકો, ત્યારે પ્રાર્થના જરૂર કરો....../ When you can't do anything, you need to pray ....

જીવનમાં ઘણી એવી પરિસ્થિતિઓ આવતી હોઈ છે કે આપણે ત્યારે ખૂબ લાચાર બની જતા હોઈ છે. ચારે બાજુ  અંધકાર જ દેખાતો હોઈ, ક્યાંયથી કોઈ આશાનું કિરણ દેખાતું ના હોઈ, બધી જ કોશિશો નાકામયાબ રહી હોઈ, દરેક સગાઓએ અને પોતાનાઓએ મદદના હાથ પાછા ખેંચી લીધા હોઈ ત્યારે જે લાચારી અને પરવશતાનો અનુભવ દુઃખ આપે છે તે ખૂબ તીવ્ર અને અસહ્ય હોઈ છે.

આવી વિકટ પરિસ્થિતિનો અનુભવ જીવનના કોઈ પણ વળાંક આગળ મળે જ છે. ત્યારે એવા સંજોગોમાં કાં તો માનવી પરિસ્થિતિમાંથી હિંમતભેર બહાર આવે છે કે કાં પછી હંમેશને માટે ભાંગી પડે છે. આવા સમયે આપણા બધા પાસે એક જ આશરો હોઈ છે અને તે છે પ્રાર્થનાનો. ગમે તેવી  વિકટ પરિસ્થિતિ આવે તેમાં આપણી પાસે બેજ રસ્તા કે વિકલ્પો હોઈ છે કાં તો હાલાત સામે લડી લ્યો કે તેની સામે નમતું મૂકી દયો. લડી લેવાથી ઘણા ફાયદા થશે, નવું શીખશું, આત્મવિશ્વાસ વધશે, અંદરથી મજબૂત બનશું વગેરે વગેરે.... જયારે નમતું મુકવાથી ધીમે ધીમે કાયર બનતા જશું અને હંમેશા પોતાની જાતને નાકામ સમજી પોતાનો આત્મબળ અને આત્મવિશ્વાસ ગુમાવતા જશું.

આવી વિકટ પરિસ્થિતિઓમાં શાંત, સ્થિર અને મજબૂત રહેવા માટે આપણને એ દિવ્ય શક્તિ કે જેને ઈશ્વર માનીએ છીએ તેને સતત પ્રાર્થના કરતી રહેવી જોઈએ. જે ઈશ્વરમાં માને છે તેની માટે પ્રાર્થનાનો રસ્તો લેવો સરળ છે પરંતુ જે નથી માનતા તેમની માટે થોડું અઘરું છે.

એ દિવ્ય શક્તિઓને, પરમાત્માને પ્રાર્થના કરતું રહેવાથી કંઈક રસ્તો તો અચૂક મળે મળે ને મળે જ. જયારે આપણી બધી કોશિષો નાકામ રહે ત્યારે સમજી લેવું કે એ પરમપિતાની આપણી માટેની યોજના કઈંક જુદી છે. તે આપણી પાસે કઈંક કરાવવા માંગે છે એટલે આપણે ત્યારે પરમાત્મા સામે સંપૂર્ણ સમર્પણ કરી દેવું જોઈએ.  એ વિકટ પરિસ્થિતિમાં ડૂબતાને તણખલાનો સહારો પણ ઘણો થઈ જાય છે. જ્યારે ઈશ્વરને પ્રાર્થનાઓ દ્વારા આપણી તકલીફો, મુસીબતો, દુઃખોને આપી દઈએ ત્યારે હકીકતે પોતાની જાતને ખુબ હળવા અનુભવ કરીએ છીએ અને ક્યાંકથી પણ કોઈને  કોઈ રસ્તો દેખાઈ આવે છે.

જયારે આપણે આવી પરિસ્થિતિમાં આવીએ ત્યારે સૌવથી પહેલા આપણે કોઈને દોષ દઈએ તો એ છે ઈશ્વર. આપણે તેમની સાથે ખૂબ લડાઈ કરીએ છીએ, પોતાની ભૂલ અને જવાબદારી સ્વીકાર કરવાને બદલે. આપણી આ સ્થિતિની આપણી જવાબદારી માથે લઈએ ત્યારે આપણને આપણી ભૂલ સમજાઈ જાય છે અને પછી અવિરત એ પરમપિતાને પ્રાર્થના ચાલુ થઈ જાય છે.

મિત્રો, આવી વિકટ પરિસ્થિતિમાં પ્રાર્થના શિવાય કોઈ વિકલ્પ જ નથી તો પછી એ કરવામાં પણ કોઈ સમસ્યા ના જ હોવી જોઈએ. ખૂબ મહત્વની વાત એ કે આ પ્રાર્થના સતત અને અવિરત હોવી જોઈએ. ગાંધીજી તો પ્રાર્થનાને હૃદયનું સ્નાન કહેતા. તો મિત્રો, ઈશ્વરને એજ પ્રાર્થના કરીએ કે કોઈને વિકટ પરિસ્થિતિનો સામનો કરવો જ ના પડે પરંતુ આપણા કર્મોની બલિહારી છે આથી જો ક્યારેય એવી પરિસ્થિતિ આવેને તો આ સંસારરૂપી સાગરમા  મુશ્કેલીઓની નાવમાં પ્રાર્થનારૂપી પતવાર લઈને બેસી જજો ચોક્કસ ભવસાગર સહેલાઇથી તરી જશો.

તો ચાલો ફરી મળ્યે ત્યાં સુધી બધા સ્વસ્થ રહો, મસ્ત રહો અને ખૂબ ખૂબ આનંદમાં રહો એવી પ્રાર્થના સાથે શામડિવાઇનના પ્રણામ 🙏🙏🙏

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી.....

છબી
 ૐ સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી..... આ સંભળાવવું અને સાંભળવું, એવું નથી કે આપણા સમાજમાં જ બને છે દુનિયાના દરેક દેશના લોકો વચ્ચે થાઈ જ છે.બસ એટલું જ કે આપણા ભારતીય પરિવારોમાં વધારે થાઈ છે કારણ કે આપણા ભરતીયોમાં બીજા કરતા વધારે સંયુક્ત પરિવારો હોઈ છે. જ્યાં બધા સાથે રહેતા હોઈ ત્યાં કંઈક તો ખટરાગ ચાલુ હોઈ જ છે. પેલી કહેવત છે ને કે ચાર વાસણ ભેગા હોઈ તો ખખડે પણ ખરા. આ વાસણોને આપણે જ મૂકીએ છીએ અને આપણે જ ખખવાડીએ છીએ. પણ સબંધોમાં એવું નથી. સાથે હોઈ પણ એકબીજા વચ્ચે સમજણ ના હોય તો વાસણોની જેમ સબંધો પણ ખખડે છે. દરેક ઘર અને પરિવારોમાં સાથે રહેતા હોઈ કે જુદા રહેતા હોઈ પણ એવા સભ્યો હોઈ જ છે જેને વાતે વાતે દુઃખ લાગે, ગમે તેટલું કરો તોયે ઓછું આવે અને જરાક એવી પણ ભૂલ થાઈ તો બોલ્યા  વગર કે સંભળામળી કર્યા વગર ના જ રહે. આપણે બધાએ આ જોયું જ હશે. જયારે પણ તૈયારી કરતા હોઈએ ત્યારે એને ચોક્કસ યાદ કરશું અને કહેશું પણ ખરા કે સરખી રીતે કરજો નહીંતર એમનું સાંભળવું પડશે. આ બધા આપણા મનુષ્ય સ્વાભાવના ખેલ છે. પણ પરિવારમાં કોઈ એવું પણ ચોક્કસ હોઈ છે જે બધું સાંભળ્યા પછી પણ...
વધુ વાંચો

આજ જન્માષ્ટમી.......

છબી
  ૐ આજ જન્માષ્ટમી....... આજથી લગભગ પાંચ હજાર વર્ષ પહેલા ભગવાન વિષ્ણુએ શ્રી કૃષ્ણના રૂપે જન્મ લીધો હતો. તેઓ ભગવાન વિષ્ણુના આઠમા અવતાર હતાં.  સૌવથી વધારે પૂજાતા ઈશ્વરના અવતાર હોઈ તો એ ભગવાન રામ, શ્રી કૃષ્ણ અને બુદ્ધ છે જેને અત્યારે પણ મોટી સંખ્યામાં લોકો મને છે અને પૂજે છે. આજથી લગભગ પાંચ હજાર વર્ષો પહેલા શ્રાવણ મહિનાની અંધારી આઠમે, મધ્ય રાત્રીએ પ્રભુએ જન્મ લીધો. લોકો કહે છે કે સતયુગમાં બધું સુંદરને સારૂ જ હતું પણ જ્યારથી દુનિયા બની છે ત્યારથી સારૂ અને ખરાબ સાથે જ ચાલતું આવે છે. જો બધું સારૂ સારૂ જ હોત તો ઈશ્વરે ધરતી ઉપર આવવું જ ના પડ્યું હોત. ઈશ્વર આપણને આ દુનિયામાં આપણા આત્માને કઈંક શીખવા અને તેનો પરમાત્મા તરફ ગતિ અને વિકાસ કરવા મોકલે છે અને આપણને સાથે આ સુંદર દુનિયામાં ફસાવવા માટે બધા સંબંધો, લાગણીઓ અને મોહથી બાંધે પણ છે. બસ આમાંથી આપણે જળકમળવત રહી, કેવી રીતે જીવીએ છીએ તેજ આપણી સૌવથી મોટી કસોટી છે. પણ આપણે મનુષ્યો એની એ લીલાને સમજતા નથી અને સંસારના કાદવમાં ફસાતા જઈએ છે અને સારા નરસા કર્મોના બંધનની ગાંઠો વાળતા જઈએ છીએ અને પછી જન્મોજન્મના ફેરા કરતા રહીએ છીએ અને ગાંઠો છોડવા કરતા...
વધુ વાંચો

સુખી થવું અઘરું નથી પણ બીજા કરતા વધારે સુખી થવું એ મુશ્કેલ છે../It is not difficult to be happy but it is difficult to be happier than others.

છબી
  ૐ સુખી થવું અઘરું નથી પણ બીજા કરતા વધારે સુખી થવું એ મુશ્કેલ છે../It is not difficult to be happy but it is difficult to be happier than others. આપણે જીંદગીમાં નિરીક્ષણથી ઘણું બધું શીખીએ છીએ. જોકે જીવનમાં મોટાભાગનું આપણે બીજાને જોઈને જ શીખ્યા હશું, વિચાર કરી જોજો.......... આવ્યું યાદ, જી હા!! નાના હતા ત્યારે બોલતા, ચાલતા, ખાતા વગેરે વગેરે.... આપણે જયારે બીજાને જોઈએ છે ત્યારે આપણને જો એ ગમે તો આપણે પણ તેવી રીતે અથવા તો થોડી જુદી રીતે કરવાની કોશિશ કરીએ છીએ. બરોબરને!!!! જીવનની મુખ્ય જરૂરિયાત રોટી, કપડાં, મકાન અને શિક્ષણ છે. કહેવાઈ છે ને બધાને ભગવાન ભૂખ્યા ઉઠાડે છે પણ કોઈને ભૂખ્યા સુવડાવતો નથી. કીડીને કણ અને હાથીને મણ મળી જ રહે છે. ઉપાદી તો એના કરતા વધારે અને બીજાની પાસે છે તેના કરતા વધારે મેળવવાની ધમાલમાં છે. જોવા જઈએ તો અત્યારે આ મુશ્કેલીના સમયમાં એટલે કે કોરોનાના સમયમાં લાખો લોકોના કામ ધંધા બંધ અથવા તો સાવ મંદા થઈ ગયા છે અને ગરીબોને પણ મજૂરી વગેરે મળતી બંધ થઈ ગઈ છે પણ એવું લગભગ કોઈ નહી હોઈ કે જેને બટકો અનાજ ના મળ્યું હોઈ. આ કોવિદના સમયે આપણને એક વાત ચોક્કસ સમજાવી છે કે આપણને લાગતુ...
વધુ વાંચો