લાગણીનો સંબંધ અને સંબંધમાં લાગણી, એ બંને ખૂબ અલગ અલગ છે......./ Emotion in relation and emotional relation, both are very different. Just think about it...

 ૐ

લાગણીનો સંબંધ અને સંબંધમાં લાગણી, એ બંને ખૂબ અલગ અલગ છે......./ Emotion in relation and emotional relation, both are very different. Just think about it...

ક્યારેય વિચાર્યું છે કે આપણાંમાં ભગવાને લાગણીઓ ના મૂકી હોત તો આપણે બધા કેવા હોત???? પ્રેમની લાગણી, ગુસ્સાની લાગણી, દયાની લાગણી, ઈર્ષાની લાગણી અને બીજી પણ ઘણી બધી..... ખાસ વાત એ છે કે આ બધી જ લાગણીઓ મનુષ્યની સાથે બીજા પણ દરેક જીવમાં ઈશ્વરે મુકેલી છે. પરંતુ મનુષ્ય જ એક એવો જીવ છે કે જે તેની લાગણીઓ બોલીને  બતાવી શકે છે. પશુ, પંખી અને બીજા નાનકડા જીવોમાં પણ આ બધી જ લાગણીઓ હોય છે અને તેઓ પણ એકબીજાને બતાવતા જ હોઈ છે. ક્યારેક ધ્યાનથી એમને જોજો ખૂબ મજા આવશે જોવાની.

આ લાગણીઓ વગરનું જીવન સાવ નીરસ જીવન હોત. આ લાગણીઓ જ છે જે આપણને બધાને એકસાથે બાંધીને કે જોડાયેલા રાખે છે. પછી ભલે તે પ્રેમની લાગણી હોઈ કે શત્રુતાની લાગણી હોઈ. જેમ વસ્તુઓને જોડવા માટે ગુંદરની જરૂર પડે છે તેમાં વ્યક્તિઓને એકબીજા સાથે જોડાવા માટે લાગણીની જરૂર પડે છે. રસ્તા ઉપર હજારો માણસો જતા આવતા હોઈ છે પણ આપણને બધા પ્રત્યે કાંઈ દયા, પ્રેમ કે ગુસ્સો નથી આવતો. અરે!! દુનિયામાં આટલા બધા પૈસાદાર લોકો છે પણ આપણને કાંઈ બધાની ઈર્ષા નથી થતી પણ આપણું કોઈ આપણા કરતા વધારે પૈસાવાળું હોઈ કે નવી ગાડી, ઘર કે વસ્તુ લીધી હશે તો આપણે એમની સાથે કાં તો ઈર્ષાની લાગણીથી કે પછી તેમની માટે ખુશીની લાગણીથી જોડાઈ જશું. બરોબર ને!!!

તો આ લાગણીઓ આપણા જીવનમાં આપણા સંબંધોમાં ગુંદરનું કામ કરી આપણને જોડીને રાખે છે. એ વાત જુદી છે કે આપણે એ બોલીને બતાવીએ કે ના બતાવીએ. એક જાતના વાઈબ્રેશનથી જોડાઈ જઈએ છે.   આ લાગણીઓમાં ઘણી શક્તિશાળી ઉર્જા રહેલી હોઈ છે. ક્યારેક એટલી પ્રબળ હોઈ છે તમે હજારો માઈલો દૂર હોઈ તો પણ તમને અનુભવાઈ છે. આ આપણે બધાએ જીવનમાં નોટિસ કર્યુ જ હશે. ક્યારેક આપણે વગર કારણે દુઃખી કે આનંદીત થતા હોઈએ છીએ ત્યારે મને લાગે કે ચોક્કસ કોઈક તો એવું છે કે મને કોસી રહ્યું છે અથવા મારી માટે પ્રાર્થના કરી રહ્યું છે કે જેથી મને આ હિંમત, શક્તિ અને તાકાત મળી રહી છે. આવી પારસ્થિતિમાં આપણે કંઈ જ કર્યુ ના હોઈ છતાં આ લાગણીનાં વાઈબ્રેશન આપણને આવો  અનુભવ કરાવતા હોઈ છે.

આપણા સંબંધો પણ આ લાગણીઓ ઉપર જ ટકેલા છે. જો આપણી લાગણીઓ સકારાત્મક હશે એટલે કે પ્રેમની, દયાની, મદદની, મિત્રતાની હશે ત્યાં આપણા સંબંધો ખૂબ સારા હશે એટલે કે જ્યાં આપણા સંબંધોમાં સકારાત્મક લાગણીઓ હશે તો આપણા સંબંધો વધુ મજબૂત, વધુ નજીક અને ખૂબ જ સુંદર હશે. જેને આપણે સંબંધોમાં લાગણી કહીં શકીએ તે સંબંધો આપણા પરિવારના કે લોહીના સંબંધો હોઈ શકે. જેમાં લાગણી હોઈ કે ના હોઈ જીવનભર નિભાવવાના જ હોઈ છે. તમે માનો કે ના માનો. અહીંયા સંબંધમાં લાગણીઓ છે. સાચુંને!!!

જયારે લાગણીનાં સંબંધ તો એવા સંબંધ હોઈ જ્યાં ના લોહીની સગાઇ હોઈ કે ના પરિવારોનું બંધન હોઈ છતાં પણ એ સંબંધમાં મીઠાસ હશે, એક વિશ્વાસ હશે અને એને નિભાવવાનો બોજ નહી પણ આનંદ હશે. આવો સંબંધ કદાચ મિત્રતમાં કે પ્રેમી / પ્રેમિકામાં પ્રત્યે હોઈ શકે છે. પ્રેમલગ્નમાં લગ્ન પછી કદાચ લાગણીઓની ઓછપ આવે તો એ સંબંધ નીરસ થઈ જાય. અરેન્જ લગ્નમાં ધીમે ધીમે લાગણીઓ વધતી જાય છે આથી કદાચ સંબંધ વધુ મજબૂત બની જતો હશે. આવા લાગણીનાં સંબંધો જો આપણી પાસે હોઈ તો એને જીવનભર સાચવવા જોઈએ. લાગણીનાં સંબંધમાં લાગણી બતાવવાની ના હોઈ ખાલી એકબીજા પ્રત્યે અનુભવ કરવાની હોઈ છે જયારે સંબંધમાં લાગણીઓ બતાવવાની હોઈ છે. જોકે સાચા દિલના સંબંધો હોઈ ત્યાં તો આંખના ઈશારે વાતો થઈ જતી હોઈ છે. આથી આ વિશે ચોક્કસ વિચારજો અને જોજો જોઈએ તમારે બધા સાથે લાગણીનાં સંબંધ છે કે પછી સંબંધમાં લાગણીઓ  બતાવવી પડે છે!!!

ચાલો ત્યારે ફરી મળ્યે ત્યાં સુધી બધા સ્વસ્થ રહો, મસ્ત રહો અને ખૂબ ખૂબ આનંદમાં રહો એવી ઈશ્વર પાસે પ્રાર્થના સાથે શામડિવાઇનના પ્રણામ 🙏🙏🙏

બીજા બ્લોગ્સ વાંચવા માટે જુઓ shamdivine.blogspot.com

તમારા સાથ માટે ખૂબ ખૂબ આભાર.



ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી.....

છબી
 ૐ સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી..... આ સંભળાવવું અને સાંભળવું, એવું નથી કે આપણા સમાજમાં જ બને છે દુનિયાના દરેક દેશના લોકો વચ્ચે થાઈ જ છે.બસ એટલું જ કે આપણા ભારતીય પરિવારોમાં વધારે થાઈ છે કારણ કે આપણા ભરતીયોમાં બીજા કરતા વધારે સંયુક્ત પરિવારો હોઈ છે. જ્યાં બધા સાથે રહેતા હોઈ ત્યાં કંઈક તો ખટરાગ ચાલુ હોઈ જ છે. પેલી કહેવત છે ને કે ચાર વાસણ ભેગા હોઈ તો ખખડે પણ ખરા. આ વાસણોને આપણે જ મૂકીએ છીએ અને આપણે જ ખખવાડીએ છીએ. પણ સબંધોમાં એવું નથી. સાથે હોઈ પણ એકબીજા વચ્ચે સમજણ ના હોય તો વાસણોની જેમ સબંધો પણ ખખડે છે. દરેક ઘર અને પરિવારોમાં સાથે રહેતા હોઈ કે જુદા રહેતા હોઈ પણ એવા સભ્યો હોઈ જ છે જેને વાતે વાતે દુઃખ લાગે, ગમે તેટલું કરો તોયે ઓછું આવે અને જરાક એવી પણ ભૂલ થાઈ તો બોલ્યા  વગર કે સંભળામળી કર્યા વગર ના જ રહે. આપણે બધાએ આ જોયું જ હશે. જયારે પણ તૈયારી કરતા હોઈએ ત્યારે એને ચોક્કસ યાદ કરશું અને કહેશું પણ ખરા કે સરખી રીતે કરજો નહીંતર એમનું સાંભળવું પડશે. આ બધા આપણા મનુષ્ય સ્વાભાવના ખેલ છે. પણ પરિવારમાં કોઈ એવું પણ ચોક્કસ હોઈ છે જે બધું સાંભળ્યા પછી પણ...
વધુ વાંચો

વિશ્વ પર્યાવરણ દિવસ / World Environment Day

છબી
  ૐ વિશ્વ પર્યાવરણ દિવસ / World Environment Day આપણે બધાએ ગઈકાલે વિશ્વ પર્યાવરણ દિવસ એટલે કે World Environment Day ના મેસેજ સોશિયલ મીડિયા ઉપર પોસ્ટ કર્યા. મેં પણ કર્યા. પણ શું આપણે ખરેખર એના વિશે કંઈ જાણીએ છીએ??? આજ થોડી વાત વિશ્વ પર્યાવરણ દિવસ ઉપર કરીએ. આજથી લગભગ લગભગ 47 વર્ષ પહેલા 5 જૂન 1974 થી  આ વિશ્વ પર્યાવરણ દિવસની શરૂઆત થઈ. તે પહેલા 1972માં પ્રથમ થઈ હતી તે પછી દર વર્ષે આ UN એટલે કે યુનાઈટેડ નેશન દ્વારા ચાલુ કરવામાં આવ્યો અને UN માં જોડાયેલા બધા દેશો વારાફરતી  જુદી જુદી થીમ ઉપર હોસ્ટ ( યજમાન બને ) કરે. 2021 ના યજમાન દેશ પાકિસ્તાન હતો અને થીમ હતી Ecosystem restoretion. આમ પૃથ્વી પરના બધા દેશો, હવા, પાણી, ખોરાક, પર્યાવરણ, આપણી કુદરતી ખનીજ સંપત્તિ, પૃથ્વીને સુરક્ષિત કરતું ઓઝોન લેયર, બીજી જીવ સૃષ્ટિ એટલે કે પશુ પંખીઓ વગેરે ઉપર જુદી જુદી થીમ નક્કી કરે, એક સ્લોગન એટલે કે એક નારો આપે અને તેની ઉપર કામ કરે. આપણે થોડા જોઈએ તો, 2005 - Green Cities – Plan for the Planet 2006 - Deserts and Desertification – Don't Desert Drylands! 2007 - Melting Ice – a Hot Topic? 2008 - Kick The...
વધુ વાંચો

ગૂડ ફ્રાયડે / Good Friday

છબી
 🕉 ગૂડ ફ્રાયડે / Good Friday આજ બીજી તારીખ બે નો આંકડો જિંદગીમાં કયારેય નહિ ભુલાઈ. જયારે આવશે ત્યારે મેં મારું મહત્વનું મારું ગુમાવ્યાનું યાદ હંમેશા આવશે. જોકે ભુલાતું તો ક્યારેય નથી પણ યાદ એ રીતે કરું છું કે મનમાં અને ચહેરા ઉપર એક સ્મિત આવી જાય અને એને મારી આજુબાજુમાં જ હોવાનું અનુભવું છું. ખુબ જ અઘરી હોઈ છે પોતાના સ્વજનની એ વિદાઈ એને એ જ સમજી શકે જેણે પોતાનાને ગુમાવ્યા હોઈ. પણ ઘણી વખત સ્વીકારવું ખૂબ અઘરું થઈ પડે છે કારણકે આપણે ક્યારેય એના વગરના જીવનની કલ્પના જ ના કરી હોઈ. જયારે અપેક્ષા હોઈ તેના કરતા ઓછું મળે તો ચોક્કસ નિરાશા અને દુઃખ થાઈ જ. પણ ફરીથી એ કુદરતના અટલ નિયમ આગળ કાળા માથાનો માનવી ખૂબ ટૂંકો પડે. આપણા માટે એની શું યોજનાઓ હોઈ એ તો એ જાણે પણ આપણા જીવનમાં સ્વજનની વિદાઈ ભૂકંપ લઈ આવે છે. અને આ ભૂકંપમાં જો તમે તમારા આત્માનું ઘડતર આધ્યાત્મિકતાથી કર્યુ હશે તો આંચકો ચોક્કસ લાગશે પણ મકાન તૂટીને વેરવિખેર નહિ થાઈ. બાકી ઈશ્વરે આ બધી રચના જ એ રીતે કરી છે કે એનું તંત્ર ચાલુજ રહે અને સમય નામની દવા બધા માટે આપીજ છે. સમય ગમે તેવા દુઃખમાંથી બહાર લઈ આવે છે અથવા હળવું તો કરી જ દયે. આજ good f...
વધુ વાંચો