શું જરૂરી છે સંબંધોમાં...../What is needed in a relationship

 ૐ

શું જરૂરી છે સંબંધોમાં...../What is needed in a relationship

જેની પાસે પરિવાર અને પરિવારમાં બધા જ સંબંધો હોઈ તો એ વ્યક્તિ ખૂબ નસીબદાર હોઈ છે. મમ્મી, પપ્પા,  ભાઈ, બહેન, કાકા, કાકી, મોટાબાપા, મોટી મા, ફઈ, ફુવા, દાદા, નાના, દાદી, નાની, મામા, મામી, માસા, માસી અને ઘણાબધા પિતરાઈ ભાઈ બહેનો, માસીયાઈ ભાઈ બહેનો ને બધા જ....એક હર્યોભર્યો પૂરો પરિવાર. જોકે આટલા બધા લોકો સાથે ના રહેતા હોઈ પણ બધા વચ્ચે સંબંધો સારા હોઈ તો કોઈ પ્રસંગે ભેગા થાઈ ત્યારે કેટલી મજા આવે!!!!!

અત્યારે મોટા સંયુક્ત પરિવારો તો ભાગ્યેજ જોવા મળતા હોઈ છે. લોકો પોતાની જરૂરિયાત પ્રમાણે અને જ્યાં કામધંધા હોઈ એ પ્રમાણે ત્યાં જુદા રહેતા હોઈ છે આથી કોઈ પારિવારિક પ્રસંગ હોઈ ત્યારે બધા ભેગા થતા હોઈ છે. અત્યારે બધાની જીંદગી ખૂબ ભાગદોડવાળી થઈ ગઈ છે આથી અવારનવાર મળવું કે ભેગું થવું ખૂબ ઓછું બનતું હોઈ છે. અરે અત્યારે માણસો એટલા વ્યસ્ત થઈ ગયા છે કે કોઈ સ્વજન દેવલોક પામે તો એની પાછળ અગિયાર દિવસ બેસવા પણ તૈયાર નથી. બધી ક્રિયાવિધિ પાંચ કે સાત દિવસમાં આંટોપીને બેસી જાઈ છે. પછી ભલેને નવરા ધૂપ બેઠા હોઈ પણ આ હંમેશા વ્યસ્ત હોવું કે સમય જ નથી એ હવે એક લોકોનું બહાનું બની ગયું છે. અમુક વખતે કોઈ મજબૂરી હોઈ તો સમજી પણ શકાઈ પરંતું જે વ્યક્તિ સાથે વર્ષોનો સંબંધ હોઈ કે વર્ષો ગુજાર્યા હોઈ, સુખ દુઃખમાં સાથ આપ્યો હોઈ એવું કોઈ સ્વજન વિદાઈ લ્યે તો આપણે તેની પાછળ આપણા શાસ્ત્ર પ્રમાણે થોડા દિવસ બેસવા પણ તૈયાર નથી??? આ તે કેવી વ્યસ્તતા!!!

બધા સાથે રહેતા હોઈ તો સમજી શકાઈ કે નાની મોટી વાતમાં અણબનાવ બને પણ અત્યારે તો બધા જુદા જુદા રહેતા હોઈ અને કંઈ જ એકબીજા સાથે નિસ્બત ના હોઈ તો પણ નાની વાતમાં કે કોઈ વ્યવહાર કાર્યો હોઈ તો એ બાબાતોને લઈને રીસામણા ચાલુ જ હોઈ. બધાને પોતાનું કર્યુ જ દેખાતું હોઈ છે, પોતે જ બીજા ઉપર ઉપકાર કર્યો હોઈ એની જ ગણતરી ચાલુ હોઈ છે. ક્યારેક સામેવાળા એ આપણી માટે શું કર્યુ છે તે પણ શાંતિથી તપાસી લેવું જોઈએ અને ઈમાનદારીથી તપાસવું જોઈએ. સંબધો છે તો તકરાર પણ હોઈ પણ એ જેટલી બહાર રહે તેટલી સારી મનદુઃખથી હૃદયમાં પ્રવેશી જાઈ તે પહેલા સ્પષ્ટતા કરી લેવી જોઈએ. જ્યારે લાંબા સમયથી અને લાંબા સમય સુધી સાથે ચાલવું હોઈ તો સ્પષ્ટતા કરી લેવી જોઈએ પછી તે કોઈ પણ ખાટરાગ હોઈ, મનદુઃખ હોઈ કે પછી ગમેતેવાતે ઝગડો હોઈ બેસીને સ્પષ્ટતા કરી લેવાથી એકબીજા વચ્ચે રહેલા ખોટા અભિપ્રાયો દૂર થઈ જાઈ છે અને સત્ય સામે આવી જાઈ છે. સત્યને કાં તો તમે સ્વીકારો અથવા મોઢું ફેરવી શકો, બાકી સત્ય હોઈ તેમાં આપણે કંઈ બદલાવી ના શકીએ. આ લાંબાગાળાના સંબંધમાં કરવું જરૂરી છે  અને લાંબા ગળાના સંબંધ એટલે આપણી નજીકના હોઈ તેવા દરેક સંબંધ.

જયારે સંબંધ થોડા સમય માટે નિભાવવાનો હોઈ તો બહુ તકલીફ નથી પડતી પણ ત્યાં પણ જરૂરી છે કે તેમાં એક મીઠપ હોઈ. કોઈ દૂરના સગા હોઈ અને ક્યારેક ભેગા થઈએ તો મીઠપથી વર્તવુ જોઈએ કારણ કે થોડીવાર માટે હોવાથી અને બીજો કોઈ અંગત વ્યવહાર ના હોવાથી ખરાબ વર્તન તો કરાય જ નહી પણ એક મીઠપ રાખી વાતચીત કરવાથી સંબંધ સારા રહે છે. આથી ક્યાંય પણ બોલીને બગાડવું જોઈએ નહી પછી તે દુરનો સંબંધ હોઈ કે નજીકનો. દૂરના સંબંધમાં મીઠપ જાળવી રાખવી જોઈએ અને આપણા નજીકના સંબંધોમાં મીઠપ અને સ્પષ્ટતા બંને જાળવી રાખવાથી સબંધો સુંદર અને સારા રહે છે. હંમેશા સલાહ દેવાવાળા તો ઘણાય મળી જાઈ છે પરંતુ એ સલાહ પણ મફતમાં મળે છે એને અજમાવી જોવું પણ મફત જ હોઈ છે તો એક પ્રયત્ન કરવામાં આપણી ખોટા ના જાઈ આથી મિત્રો સંબંધો સાચવવા માટે એક પ્રયત્ન અવશ્ય કરી જોવો. તો મિત્રો તમારા શું વિચારો છે આ બાબત ચોક્કસ જણાવશો. તો ફરી મળ્યે ત્યાં સુધી બધા સ્વસ્થ રહો, મસ્ત રહો અને ખૂબ ખૂબ આનંદમાં રહો એવી ઈશ્વર પાસે પ્રાર્થના સાથે શામડિવાઇનના પ્રણામ 🙏🙏🙏



ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી.....

છબી
 ૐ સાંભળી લેવું અને પછી સંભાળી પણ લેવું એ દરેક વ્યક્તિના ગજાની વાત નથી..... આ સંભળાવવું અને સાંભળવું, એવું નથી કે આપણા સમાજમાં જ બને છે દુનિયાના દરેક દેશના લોકો વચ્ચે થાઈ જ છે.બસ એટલું જ કે આપણા ભારતીય પરિવારોમાં વધારે થાઈ છે કારણ કે આપણા ભરતીયોમાં બીજા કરતા વધારે સંયુક્ત પરિવારો હોઈ છે. જ્યાં બધા સાથે રહેતા હોઈ ત્યાં કંઈક તો ખટરાગ ચાલુ હોઈ જ છે. પેલી કહેવત છે ને કે ચાર વાસણ ભેગા હોઈ તો ખખડે પણ ખરા. આ વાસણોને આપણે જ મૂકીએ છીએ અને આપણે જ ખખવાડીએ છીએ. પણ સબંધોમાં એવું નથી. સાથે હોઈ પણ એકબીજા વચ્ચે સમજણ ના હોય તો વાસણોની જેમ સબંધો પણ ખખડે છે. દરેક ઘર અને પરિવારોમાં સાથે રહેતા હોઈ કે જુદા રહેતા હોઈ પણ એવા સભ્યો હોઈ જ છે જેને વાતે વાતે દુઃખ લાગે, ગમે તેટલું કરો તોયે ઓછું આવે અને જરાક એવી પણ ભૂલ થાઈ તો બોલ્યા  વગર કે સંભળામળી કર્યા વગર ના જ રહે. આપણે બધાએ આ જોયું જ હશે. જયારે પણ તૈયારી કરતા હોઈએ ત્યારે એને ચોક્કસ યાદ કરશું અને કહેશું પણ ખરા કે સરખી રીતે કરજો નહીંતર એમનું સાંભળવું પડશે. આ બધા આપણા મનુષ્ય સ્વાભાવના ખેલ છે. પણ પરિવારમાં કોઈ એવું પણ ચોક્કસ હોઈ છે જે બધું સાંભળ્યા પછી પણ...
વધુ વાંચો

આજ જન્માષ્ટમી.......

છબી
  ૐ આજ જન્માષ્ટમી....... આજથી લગભગ પાંચ હજાર વર્ષ પહેલા ભગવાન વિષ્ણુએ શ્રી કૃષ્ણના રૂપે જન્મ લીધો હતો. તેઓ ભગવાન વિષ્ણુના આઠમા અવતાર હતાં.  સૌવથી વધારે પૂજાતા ઈશ્વરના અવતાર હોઈ તો એ ભગવાન રામ, શ્રી કૃષ્ણ અને બુદ્ધ છે જેને અત્યારે પણ મોટી સંખ્યામાં લોકો મને છે અને પૂજે છે. આજથી લગભગ પાંચ હજાર વર્ષો પહેલા શ્રાવણ મહિનાની અંધારી આઠમે, મધ્ય રાત્રીએ પ્રભુએ જન્મ લીધો. લોકો કહે છે કે સતયુગમાં બધું સુંદરને સારૂ જ હતું પણ જ્યારથી દુનિયા બની છે ત્યારથી સારૂ અને ખરાબ સાથે જ ચાલતું આવે છે. જો બધું સારૂ સારૂ જ હોત તો ઈશ્વરે ધરતી ઉપર આવવું જ ના પડ્યું હોત. ઈશ્વર આપણને આ દુનિયામાં આપણા આત્માને કઈંક શીખવા અને તેનો પરમાત્મા તરફ ગતિ અને વિકાસ કરવા મોકલે છે અને આપણને સાથે આ સુંદર દુનિયામાં ફસાવવા માટે બધા સંબંધો, લાગણીઓ અને મોહથી બાંધે પણ છે. બસ આમાંથી આપણે જળકમળવત રહી, કેવી રીતે જીવીએ છીએ તેજ આપણી સૌવથી મોટી કસોટી છે. પણ આપણે મનુષ્યો એની એ લીલાને સમજતા નથી અને સંસારના કાદવમાં ફસાતા જઈએ છે અને સારા નરસા કર્મોના બંધનની ગાંઠો વાળતા જઈએ છીએ અને પછી જન્મોજન્મના ફેરા કરતા રહીએ છીએ અને ગાંઠો છોડવા કરતા...
વધુ વાંચો

સુખી થવું અઘરું નથી પણ બીજા કરતા વધારે સુખી થવું એ મુશ્કેલ છે../It is not difficult to be happy but it is difficult to be happier than others.

છબી
  ૐ સુખી થવું અઘરું નથી પણ બીજા કરતા વધારે સુખી થવું એ મુશ્કેલ છે../It is not difficult to be happy but it is difficult to be happier than others. આપણે જીંદગીમાં નિરીક્ષણથી ઘણું બધું શીખીએ છીએ. જોકે જીવનમાં મોટાભાગનું આપણે બીજાને જોઈને જ શીખ્યા હશું, વિચાર કરી જોજો.......... આવ્યું યાદ, જી હા!! નાના હતા ત્યારે બોલતા, ચાલતા, ખાતા વગેરે વગેરે.... આપણે જયારે બીજાને જોઈએ છે ત્યારે આપણને જો એ ગમે તો આપણે પણ તેવી રીતે અથવા તો થોડી જુદી રીતે કરવાની કોશિશ કરીએ છીએ. બરોબરને!!!! જીવનની મુખ્ય જરૂરિયાત રોટી, કપડાં, મકાન અને શિક્ષણ છે. કહેવાઈ છે ને બધાને ભગવાન ભૂખ્યા ઉઠાડે છે પણ કોઈને ભૂખ્યા સુવડાવતો નથી. કીડીને કણ અને હાથીને મણ મળી જ રહે છે. ઉપાદી તો એના કરતા વધારે અને બીજાની પાસે છે તેના કરતા વધારે મેળવવાની ધમાલમાં છે. જોવા જઈએ તો અત્યારે આ મુશ્કેલીના સમયમાં એટલે કે કોરોનાના સમયમાં લાખો લોકોના કામ ધંધા બંધ અથવા તો સાવ મંદા થઈ ગયા છે અને ગરીબોને પણ મજૂરી વગેરે મળતી બંધ થઈ ગઈ છે પણ એવું લગભગ કોઈ નહી હોઈ કે જેને બટકો અનાજ ના મળ્યું હોઈ. આ કોવિદના સમયે આપણને એક વાત ચોક્કસ સમજાવી છે કે આપણને લાગતુ...
વધુ વાંચો