મહેનત કર્યા પછી પણ સપના પુરા ના થાઈ તો શું કરવું??/What to do if the dream does not come true even after working hard ??

 ૐ

મહેનત કર્યા પછી પણ સપના પુરા ના થાઈ તો શું કરવું??/What to do if the dream does not come true even after working hard ??

જ્યારથી આપણાંમાં સમજણ આવે ત્યારથી આપણે આપણા ભવિષ્યના સપનાઓ જોવા લાગીએ છીએ. જો ભણવામાં હોશિયાર હોઈ તો સારામાં સારી કારકિર્દી બનાવવાનું, જો ભણવામાં રસ ના હોઈ તો કોઈ ધંધો કરવા વિશે સપના જોશે, સુંદર ઘર, ગાડીઓ, નોકરચાકર, આરામદાયક રજાઓના સપનાઓ જોશે, સુંદર છોકરી / પૈસાવાળા છોકરા સાથે કે / પોતાના ગમતા પાત્ર સાથે જીવનના જીવવાના સપનાઓ જોશે અને ઘણું બધું ભવિષ્ય વિશે વિચારશે અને મનમાં ને મનમાં ખુશ પણ થશે. કલ્પનાઓના ઘોડા દોડાવવામાં ક્યાં કોઈ પાબંદી છે કે ત્યાં કંઈ પૈસા દેવા પડે છે!!!!

આ એ ભવિષ્યના સપનાઓને પુરા કરવા માટે વર્તમાનમાં જીવવું અને વર્તમાનમાં પ્રયત્ન કરવો અને યોગ્ય પગલાં ભરવા જરૂરી છે. નિંદરમાં આવતા સપનાઓ તો આંખ ઉઘાડતા કદાચ ભુલાઈ પણ જાઈ પણ ખુલ્લી આંખે જોયેલા સપનાઓમાં એજ સાકાર થાઈ છે જેને પુરા કરવા માટે નીંદર જ ના આવે. આપણે ભવિષ્યના સપના જોવામાં એટલા મશગુલ છીએ કે તેમાં વર્તમાનને નજરઅંદાજ કરીએ છીએ અને પછી ભવિષ્યના સપનાઓ,  સપનાઓ કે શેખચિલ્લીના વિચારો બની જાઈ છે. બીજું આપણે ક્યારેય આપણા સપનાઓ પૂરી કરવાની જવાબદારી આપણી ઉપર નથી લેતા બીજા આપણી માટે કરશે બધું જ નહી તો થોડા માટે પણ બીજા ઉપર રાખેલો આધાર આપણને નિરાશ કરી શકે છે. આથી પોતાના સપનાઓ પૂરી કરવાની પૂરી જવાબદારી આપણે જ લેવાની છે અને પૂરી મહેનત અને પ્રયત્ન પણ આપણે જ કરવાનો છે. જો એમાં બીજા કોઈ મદદરૂપ થાઈ તો એ આપણું બોનસ સમજવું પણ આશા નહી રાખવાની. ગમેતે કાર્યની સફળતાનો આધાર બુદ્ધિપૂર્વકની મહેનત છે અને સાથે સાથે સાચી નિતી અને પ્રામાણિકતા છે. જયારે આપણે સાચા સિદ્ધાંતો અને સારી ભાવના સાથે કોઈ કાર્ય કરીએ એટલે એ સફળ થવાનું જ છે. ભવિષ્યના સપનાઓ પુરા કરવા માટે અત્યારથી ધ્યેય નક્કી કરવાનું હોય અને એ દિશામાં અથાગ મહેનત કરવાની હોઈ છે. સચ્ચાઈ, નિતી અને ઈમાનદારીના રસ્તા ઉપર ચાલશું તો ભીડ ખૂબ ઓછી મળશે પણ જેટલી મળશે તે દુનિયા બદલવાની તાકાત રાખતું હશે. કદાચ અહીંયા શરૂઆતમાં  ધારેલો ફાયદો કે નફો ના પણ થાઈ પણ એક વખત એમાં તમારું નામ થઈ ગ્યું તો તમારા હરિફો ઘણા ઓછા હશે. દરેક કાર્યના પાયામાં આજ નિયમો રાખવાના હોઈ છે. પછી તે આત્મિક વિકાસ હોઈ, બૌદ્ધિક વિકાસ હોઈ કે પછી ભૌતિક વિકાસ હોઈ બધામાં આ જ સિદ્ધાંત રાખવાના હોઈ છે અને રાખવા જ જોઈએ જો આ દુનિયામાં અને ઈશ્વરના હૃદયની દુનિયામાં રાજ કરવું હોઈ તો.

ઘણી વખત એવું પણ બને કે ખૂબ ખૂબ મહેનત કરવા છતાએ આપણા સપનાઓ પુરા ના થાઈ કે આપણા કાર્ય પુરા ના થાઈ ત્યારે ક્યારેય પોતાના સિદ્ધાંતો બદલવાનો વિચાર નહી કરવાનો કારણ કે ઘર સુધી પહોંચવા માટે એક રસ્તો બંધ હોઈ તો બીજે રસ્તેથી જવું પડે અથવા બીજો શોધવો પડે અથવા રસ્તા ઉપર જે અડચણો હોઈ તેને દૂર કરવી પડે પણ ત્યાં કામ કરતા હોઈ એને લાંચ આપી ઘરે ના જ અવાય. તેમાં આપણા ધનની અને આપણી અને બીજાની નિતીની નુકસાની છે. આથી આપણે એક કાર્ય પદ્ધતિમાં સફળ ના થઈએ તો બીજી પદ્ધતિ અપનાવવી પણ સિદ્ધાંતો હંમેશા નીતિવાન જ રાખવા. જેના સિદ્ધાંતો અને સંસ્કારો પોતાની સંસ્કૃતિના મૂળ સાથે જોડાયેલા હશે તેઓ ગમે તેવી મુશ્કેલીઓમાં પણ હિંમતથી અડીખમ પોતાનું અસ્તિત્વ જાળવી રાખશે. વૃક્ષો પણ ઋતુ પ્રમાણે પોતાના પાંદડાઓ બદલે છે મૂળિયાં નહી. આ ચોક્કસ યાદ રાખીએ.

ચાલો બધા ખૂબ સ્વસ્થ રહો, મસ્ત રહો અને આનંદમાં રહો એવી ઈશ્વર પાસે પ્રાર્થના સાથે શામડિવાઇનના પ્રણામ 🙏🙏🙏 બીજા 200 જેટલા બ્લોગ્સ વાંચવા માટે જુઓ shamdivine.blogspot.com

તમારા અમૂલ્ય સમય માટે સદા આભારી છું.

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

ગૂડ ફ્રાયડે / Good Friday

છબી
 🕉 ગૂડ ફ્રાયડે / Good Friday આજ બીજી તારીખ બે નો આંકડો જિંદગીમાં કયારેય નહિ ભુલાઈ. જયારે આવશે ત્યારે મેં મારું મહત્વનું મારું ગુમાવ્યાનું યાદ હંમેશા આવશે. જોકે ભુલાતું તો ક્યારેય નથી પણ યાદ એ રીતે કરું છું કે મનમાં અને ચહેરા ઉપર એક સ્મિત આવી જાય અને એને મારી આજુબાજુમાં જ હોવાનું અનુભવું છું. ખુબ જ અઘરી હોઈ છે પોતાના સ્વજનની એ વિદાઈ એને એ જ સમજી શકે જેણે પોતાનાને ગુમાવ્યા હોઈ. પણ ઘણી વખત સ્વીકારવું ખૂબ અઘરું થઈ પડે છે કારણકે આપણે ક્યારેય એના વગરના જીવનની કલ્પના જ ના કરી હોઈ. જયારે અપેક્ષા હોઈ તેના કરતા ઓછું મળે તો ચોક્કસ નિરાશા અને દુઃખ થાઈ જ. પણ ફરીથી એ કુદરતના અટલ નિયમ આગળ કાળા માથાનો માનવી ખૂબ ટૂંકો પડે. આપણા માટે એની શું યોજનાઓ હોઈ એ તો એ જાણે પણ આપણા જીવનમાં સ્વજનની વિદાઈ ભૂકંપ લઈ આવે છે. અને આ ભૂકંપમાં જો તમે તમારા આત્માનું ઘડતર આધ્યાત્મિકતાથી કર્યુ હશે તો આંચકો ચોક્કસ લાગશે પણ મકાન તૂટીને વેરવિખેર નહિ થાઈ. બાકી ઈશ્વરે આ બધી રચના જ એ રીતે કરી છે કે એનું તંત્ર ચાલુજ રહે અને સમય નામની દવા બધા માટે આપીજ છે. સમય ગમે તેવા દુઃખમાંથી બહાર લઈ આવે છે અથવા હળવું તો કરી જ દયે. આજ good f...
વધુ વાંચો

હંમેશા મને ગમે તે સારુ જ હોઈ એવું જરૂરી નથી....

છબી
  ૐ હંમેશા મને ગમે તે સારુ જ હોઈ એવું જરૂરી નથી.... ગમે તે વસ્તુ, વ્યક્તિ, વાત, કે બીજું કંઈપણ હોઈ, આપણી પાસે પસંદગી કરવાનાં કેટલા વિકલ્પો હોઈ છે??? તમે કહેશો કે હોઈ તો ઘણા બધા પણ આપણે બીજાને કેટલા આપીએ છીએ અને બીજા આપણને કેટલા આપે છે?? છેને વિચારવા જેવું.......... હંમેશા આપણી પાસે વધારે ના હોઈ તો કંઈ નહી પણ બે વિકલ્પ તો હોઈ જ છે. જોકે આપણે નાના હતા ત્યારે આપણને લગભગ ના કે બરાબર વિકલ્પ આપવામાં આવતો. નાનકડા હતા ત્યારથી લઈને તે છેક અત્યાર સુધી આપણે હંમેશા સમજૂતીઓ સાથે જ પસંદગી આપવામાં આવતી. જોકે બાલમંદિર, પ્રાથમિક શાળા પછી માધ્યમિક શાળા, જેમાં આવ્યા પછી વિષયોની પસંદગી કરવાની હોઈ. આજથી ત્રીસ વર્ષ પહેલા સાઇન્સ, કોમર્સ અને આર્ટસ આ જ હતા અને આમાંથી જ પસંદગી કરવાની હોઈ જોકે દસમામાં પછી બારમા સુધી તો ત્યારે ઘણાની વિકેટ પડી ગઈ હોઈ એટલે કે છોકરો હોઈ તો પિતાના ધંધામાં લગાડી દીધો હોઈ અને છોકરી હોઈ તો લગ્નની વાતો ચાલુ થઈ ગઈ હોઈ. જોકે એ સમયે એટલું બધું કરિયર ( કારકિર્દી ) બનાવવાનું ને આગળ વધવાનું ને ના તો કોઈ મોટિવેશન હતું કે ના એવું કોઈ વાતાવરણ હતું. પરંતુ અત્યારની વાત સાવ જુદી જ છે. સમય હંમેશા...
વધુ વાંચો

જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!!

છબી
  ૐ જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!! આ દુનિયા ઈશ્વરની પાઠશાળા છે અને આપણે અહીંયા શીખવા માટે જ મોકલવામાં આવે છે. કોઈ એમ કહે કે મને બધું આવડે છે ને હું બધું જાણું છું. તો હું કહીશ કે એ વ્યક્તિ જેવું અજ્ઞાની અને અબુધ કોઈ નથી. આપણે ક્યારેય એમ ના કહી શકીએ કે મેં બધું જ શીખી લીધું છે કે હું બધું જ જાણું છું. જ્ઞાન તો દરિયા જેટલું વિશાળ છે. આપણે તો ફક્ત ને ફક્ત અમુક ઘૂંટડા જ આપણા જીવનકાળ દરમિયાન પિયે છે. આપણી ચારે બાજુ જ્ઞાન ફેલાયેલું છે. એમાં ઘણું સારુ છે અને ઘણું ખરાબ પણ છે. આપણે આપણી દ્રષ્ટિને એવી રીતે કેળવવાની છે કે તે ખરાબ પરિસ્થિતિમાં પણ સકારાત્મક રહી શકે અને મન, બુદ્ધિ ને સ્થિર રાખી ખરાબ પરિસ્થિતિમાં પણ કંઈને કંઈ તક શોધી લ્યે. આપણે બધા જ ભણવા માટે નિશાળમાં, કોલેજમાં, યુનિવર્સિટીમાં અને મોટી પદવીઓ મેળવવા માટે વિદેશોમાં ભણવા જઈએ છીએ. આ બધા જ પુસ્તકીયું જ્ઞાન મેળવવાની પાઠશાળાઓ છે અને જેને મેળવવું ખૂબ જરૂરી છે. આ પુસ્તકીયા જ્ઞાનથી આપણે કેવી રીતે પૈસા કમાઈ શકીએ તે તો શીખી જઈએ છીએ પણ તેનો ઉપયોગ ક્યાં અને કઈ રીતે કરવો તેની માટે સદબુદ્ધિ અને ...
વધુ વાંચો