જીંદગીમાં આગળ વધવું હોઈ તો શું કરવું???/What to do to move forward in life ???

 ૐ

જીંદગીમાં આગળ વધવું હોઈ તો શું કરવું???/What to do to move forward in life ???

આપણે બધાને જીવનમાં ખૂબ આગળ વધવું છે. કોઈને ક્યાંય એક જગ્યાએ ટકી રહેવું નથી ગમતું. જીંદગીમાં ગમે તેવા ઉતાર ચઢાવ આવે તોયે જેને આગળ વધવું છે તે આગળ વધીને જ રહેશે. એની હિંમત જોઈને જ કોઈને એને રોકવાની હિંમત નથી થતી. જોકે દુનિયામાં હિંમત તોડવાવાળાની કમી નથી. કમી તો હિંમત આપવાવાળાની છે.

આ દુનિયામાં અડધાથી વધારે લોકો પોતાની પ્રગતિ કે ઉન્નતિ નથી કરી શકતા કારણ કે તેઓ હંમેશા એ વિચાર કરીને પાછળ રહી જાય છે કે લોકો શું કહેશે!! લોકોની અને સમાજની બીકમાં ને બીકમાં લોકો પોતાની ઈચ્છઓને મારીને જીવે છે. લોકો જ છે જે કોઈના દુઃખમાં સાથ આપવાને બદલે, હિંમત આપવાને બદલે તેને કમજોર અને નબળા બનાવે છે વાતોથી. કોઈક જ એવું હોઈ છે કે જે હિંમતથી અને આત્મવિશ્વાસથી કહે કે છે હશે આ જ દુનિયાનો નિયમ છે આવવું અને જવું પણ હિંમતથી કામ લેજે. બીજાનું આપેલું જીંદગીમાં કોઈ દિવસ નથી ટકતું. ટકે છે એ જે આપણું છે અને આપણા નસીબનું છે. બાકી લોકોના ડરથી જીવવાવાળા ક્યારેય જીવી નથી શકતા. જેને લોકોનો ડર છે કે લોકો શું કહેશે, એવા લોકોને અને સમાજને બીજું કંઈ કામ જ નથી  હોતું. આ સમાજના નિયમો બનાવીએ પણ આપણે જ છીએ અને તોડીએ પણ આપણે જ છીએ.

દુનિયામાં દરેકને પોતાની જીંદગી પોતાની રીતે જિવવાનો પૂરો હક છે અને દરેકે પૂરી ઈમાનદારી સાથે જીવવી જોઈએ. લોકો તો તમે સારૂ કરશો તો પણ બોલશે અને ખરાબ કરશો તો પણ બોલશે. લોકો અભિપ્રાય ઓછા ને વખોડાગત વધારે કરે છે.  લોકોની લોકલાજની પરવા કરયા કરશું તો ક્યારેય પ્રગતિ નહી કરી શકીએ. આ એજ લોકો છે કે જેઓ સવારે સૂરજને જળ ચડાવે છે અને બપોરે ગરમી લાગતા એજ સૂરજ ને કોસે છે. એક દેવની માનતા ના ફળે તો બીજા દેવ બદલાવે તે આજ લોકો છે. આથી લોકોની પરવા કર્યા વગર પોતાનું સર્વ શ્રેષ્ઠ કાર્ય કરતા રહો કારણ કે ફળ લોકોએ નહી ઈશ્વરે આપવાનું છે. આગળ વધવા માટે સલાહ આપવાવાળા ઘણાય મળશે પણ હિંમતથી સાથ આપનારા ખૂબ થોડા મળશે. આથી પોતાનામાં હિંમત રાખો કારણ કે તે ક્યાંય વેચાતી નથી મળતી અને કોઈ વ્યક્તિ પણ આપી નહી શકે. આથી જીવનમાં ધ્યેય નક્કી કરો અને આગળ વધતા રહો. લોકોની ટીકા હોઈ કે નિંદા આપણે સકારાત્મકતાથી જ લેવાની.

તો મિત્રો તમે શું કહો છો આ બાબત ચોક્કસ જણાવશો. બધાને ઈશ્વર ખૂબ  સ્વસ્થ રાખે, મસ્ત રાખે અને ખૂબ આનંદમાં રાખે એવી પ્રાર્થના સાથે શામડિવાઇનના પ્રણામ 🙏🙏🙏

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

ગૂડ ફ્રાયડે / Good Friday

છબી
 🕉 ગૂડ ફ્રાયડે / Good Friday આજ બીજી તારીખ બે નો આંકડો જિંદગીમાં કયારેય નહિ ભુલાઈ. જયારે આવશે ત્યારે મેં મારું મહત્વનું મારું ગુમાવ્યાનું યાદ હંમેશા આવશે. જોકે ભુલાતું તો ક્યારેય નથી પણ યાદ એ રીતે કરું છું કે મનમાં અને ચહેરા ઉપર એક સ્મિત આવી જાય અને એને મારી આજુબાજુમાં જ હોવાનું અનુભવું છું. ખુબ જ અઘરી હોઈ છે પોતાના સ્વજનની એ વિદાઈ એને એ જ સમજી શકે જેણે પોતાનાને ગુમાવ્યા હોઈ. પણ ઘણી વખત સ્વીકારવું ખૂબ અઘરું થઈ પડે છે કારણકે આપણે ક્યારેય એના વગરના જીવનની કલ્પના જ ના કરી હોઈ. જયારે અપેક્ષા હોઈ તેના કરતા ઓછું મળે તો ચોક્કસ નિરાશા અને દુઃખ થાઈ જ. પણ ફરીથી એ કુદરતના અટલ નિયમ આગળ કાળા માથાનો માનવી ખૂબ ટૂંકો પડે. આપણા માટે એની શું યોજનાઓ હોઈ એ તો એ જાણે પણ આપણા જીવનમાં સ્વજનની વિદાઈ ભૂકંપ લઈ આવે છે. અને આ ભૂકંપમાં જો તમે તમારા આત્માનું ઘડતર આધ્યાત્મિકતાથી કર્યુ હશે તો આંચકો ચોક્કસ લાગશે પણ મકાન તૂટીને વેરવિખેર નહિ થાઈ. બાકી ઈશ્વરે આ બધી રચના જ એ રીતે કરી છે કે એનું તંત્ર ચાલુજ રહે અને સમય નામની દવા બધા માટે આપીજ છે. સમય ગમે તેવા દુઃખમાંથી બહાર લઈ આવે છે અથવા હળવું તો કરી જ દયે. આજ good f...
વધુ વાંચો

હંમેશા મને ગમે તે સારુ જ હોઈ એવું જરૂરી નથી....

છબી
  ૐ હંમેશા મને ગમે તે સારુ જ હોઈ એવું જરૂરી નથી.... ગમે તે વસ્તુ, વ્યક્તિ, વાત, કે બીજું કંઈપણ હોઈ, આપણી પાસે પસંદગી કરવાનાં કેટલા વિકલ્પો હોઈ છે??? તમે કહેશો કે હોઈ તો ઘણા બધા પણ આપણે બીજાને કેટલા આપીએ છીએ અને બીજા આપણને કેટલા આપે છે?? છેને વિચારવા જેવું.......... હંમેશા આપણી પાસે વધારે ના હોઈ તો કંઈ નહી પણ બે વિકલ્પ તો હોઈ જ છે. જોકે આપણે નાના હતા ત્યારે આપણને લગભગ ના કે બરાબર વિકલ્પ આપવામાં આવતો. નાનકડા હતા ત્યારથી લઈને તે છેક અત્યાર સુધી આપણે હંમેશા સમજૂતીઓ સાથે જ પસંદગી આપવામાં આવતી. જોકે બાલમંદિર, પ્રાથમિક શાળા પછી માધ્યમિક શાળા, જેમાં આવ્યા પછી વિષયોની પસંદગી કરવાની હોઈ. આજથી ત્રીસ વર્ષ પહેલા સાઇન્સ, કોમર્સ અને આર્ટસ આ જ હતા અને આમાંથી જ પસંદગી કરવાની હોઈ જોકે દસમામાં પછી બારમા સુધી તો ત્યારે ઘણાની વિકેટ પડી ગઈ હોઈ એટલે કે છોકરો હોઈ તો પિતાના ધંધામાં લગાડી દીધો હોઈ અને છોકરી હોઈ તો લગ્નની વાતો ચાલુ થઈ ગઈ હોઈ. જોકે એ સમયે એટલું બધું કરિયર ( કારકિર્દી ) બનાવવાનું ને આગળ વધવાનું ને ના તો કોઈ મોટિવેશન હતું કે ના એવું કોઈ વાતાવરણ હતું. પરંતુ અત્યારની વાત સાવ જુદી જ છે. સમય હંમેશા...
વધુ વાંચો

જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!!

છબી
  ૐ જીંદગી શીખવે તે શીખી લેવાનું, શીખેલું ક્યારે અને ક્યાં કામ લાગી જાય, કોને ખબર!!! આ દુનિયા ઈશ્વરની પાઠશાળા છે અને આપણે અહીંયા શીખવા માટે જ મોકલવામાં આવે છે. કોઈ એમ કહે કે મને બધું આવડે છે ને હું બધું જાણું છું. તો હું કહીશ કે એ વ્યક્તિ જેવું અજ્ઞાની અને અબુધ કોઈ નથી. આપણે ક્યારેય એમ ના કહી શકીએ કે મેં બધું જ શીખી લીધું છે કે હું બધું જ જાણું છું. જ્ઞાન તો દરિયા જેટલું વિશાળ છે. આપણે તો ફક્ત ને ફક્ત અમુક ઘૂંટડા જ આપણા જીવનકાળ દરમિયાન પિયે છે. આપણી ચારે બાજુ જ્ઞાન ફેલાયેલું છે. એમાં ઘણું સારુ છે અને ઘણું ખરાબ પણ છે. આપણે આપણી દ્રષ્ટિને એવી રીતે કેળવવાની છે કે તે ખરાબ પરિસ્થિતિમાં પણ સકારાત્મક રહી શકે અને મન, બુદ્ધિ ને સ્થિર રાખી ખરાબ પરિસ્થિતિમાં પણ કંઈને કંઈ તક શોધી લ્યે. આપણે બધા જ ભણવા માટે નિશાળમાં, કોલેજમાં, યુનિવર્સિટીમાં અને મોટી પદવીઓ મેળવવા માટે વિદેશોમાં ભણવા જઈએ છીએ. આ બધા જ પુસ્તકીયું જ્ઞાન મેળવવાની પાઠશાળાઓ છે અને જેને મેળવવું ખૂબ જરૂરી છે. આ પુસ્તકીયા જ્ઞાનથી આપણે કેવી રીતે પૈસા કમાઈ શકીએ તે તો શીખી જઈએ છીએ પણ તેનો ઉપયોગ ક્યાં અને કઈ રીતે કરવો તેની માટે સદબુદ્ધિ અને ...
વધુ વાંચો