Shamdivine

  ૐ જાણવા કરતા સમજવું ઘણું મહત્વનું છે..../Understanding is more important than knowing .... આ દુનિયામાં બધા પાસે એક સામાન્ય ફરિયાદ હોઈ તો એ એક જ છે કે, મને કોઈ સમજતું નથી. નાનકડા બાળકથી માંડીને મરણ પથારીએ પડેલા વડીલ સુધી બધાને આ તકલીફ છે. બધા પોતાની વાત મનાવવા લડી રહ્યા છે. કેટલું અજબ કહેવાય કે આપણે જાણીએ અને ઓળખીએ તો બધાને છીએ. મા, બાપ, ભાઈ, બહેન, પત્ની, બાળકો, મિત્રો અને બધા સાગસ્નેહીઓ આ બધાને આપણે ખૂબ સારી રીતે જાણીએ છીએ અને કયો માણસ કેવો વ્યવહાર કરે તેની પણ ખબર હોઈ છે પણ શું આપણે એ વ્યક્તિના એ વ્યવહાર પાછળના કારણો જાણીને એને સમજવાની કોશિષ કરીએ છીએ ક્યારેય??? કદાચ ના. જો બીજાને ઓળખવા કરતા સમજવાની કોશિષ કરીએ તો સંબંધો વધુ મજબૂત અને લાંબા ચાલશે. એક મા એના બાળકો નાના હોઈ ત્યાં સુધી તો એ પોતાના બાળક વિશે બધું સમજે અને જાણે છે પરંતુ જેવું એ બાળક મોટું થઈને પોતાની પસંદગી મુજબ કંઈ કરે ત્યારે તે બાળકને સમજવા કરતા પોતાની વાત મનાવવા અને પોતાને સમજવા બાળકને કહે છે.    નાનપણથી બધી જ વાતો સમજનારી તેની મા એ બાળકને ખૂબ ના સમજ લાગે છે જયારે એની વાત મા સમજવા તૈયાર નથી થતી ત્યારે. આવું...

  ૐ આજ જન્માષ્ટમી....... આજથી લગભગ પાંચ હજાર વર્ષ પહેલા ભગવાન વિષ્ણુએ શ્રી કૃષ્ણના રૂપે જન્મ લીધો હતો. તેઓ ભગવાન વિષ્ણુના આઠમા અવતાર હતાં.  સૌવથી વધારે પૂજાતા ઈશ્વરના અવતાર હોઈ તો એ ભગવાન રામ, શ્રી કૃષ્ણ અને બુદ્ધ છે જેને અત્યારે પણ મોટી સંખ્યામાં લોકો મને છે અને પૂજે છે. આજથી લગભગ પાંચ હજાર વર્ષો પહેલા શ્રાવણ મહિનાની અંધારી આઠમે, મધ્ય રાત્રીએ પ્રભુએ જન્મ લીધો. લોકો કહે છે કે સતયુગમાં બધું સુંદરને સારૂ જ હતું પણ જ્યારથી દુનિયા બની છે ત્યારથી સારૂ અને ખરાબ સાથે જ ચાલતું આવે છે. જો બધું સારૂ સારૂ જ હોત તો ઈશ્વરે ધરતી ઉપર આવવું જ ના પડ્યું હોત. ઈશ્વર આપણને આ દુનિયામાં આપણા આત્માને કઈંક શીખવા અને તેનો પરમાત્મા તરફ ગતિ અને વિકાસ કરવા મોકલે છે અને આપણને સાથે આ સુંદર દુનિયામાં ફસાવવા માટે બધા સંબંધો, લાગણીઓ અને મોહથી બાંધે પણ છે. બસ આમાંથી આપણે જળકમળવત રહી, કેવી રીતે જીવીએ છીએ તેજ આપણી સૌવથી મોટી કસોટી છે. પણ આપણે મનુષ્યો એની એ લીલાને સમજતા નથી અને સંસારના કાદવમાં ફસાતા જઈએ છે અને સારા નરસા કર્મોના બંધનની ગાંઠો વાળતા જઈએ છીએ અને પછી જન્મોજન્મના ફેરા કરતા રહીએ છીએ અને ગાંઠો છોડવા કરતા...

  ૐ આજ શીતળા સાતમ...... આખા વર્ષમાં આ એક જ દિવસ એવો હોઈ કે ઓફીસીયલી સ્ત્રીઓને રસોડામાંથી છુટ્ટી મળે. જોકે આ એક દિવસનું સાટુ આગલા બે દિવસમાં વળી જ ગ્યું હોઈ. કંઈ કેટલા નાસ્તા અને મીઠાઈઓ બનાવ્યા હોઈ એટલે આ એક આખા દિવસની રસોડામાંથી રજા મળવી જ જોઈએ. આખા દિવસમાં ગેસ ચાલુ ના કરવાનો હોઈ એટલે કેટલીય વખત બૈરાઓ બોલશે, " હાશ, આજ તો ઠંડુ ખાવાનું છે એટલે રસોઈ કરવાની નિરાંત છે ". કેટલો હાશકારો અને શાંતિ જણાશે એના અવાજમાં. પુરુષોતો જયારે કામમાંથી નિવૃત્તિ લ્યે એટલે પછી સાવ નિરાંત હોઈ છે પરંતુ સ્ત્રીઓ જયારે નોકરીમાંથી નિવૃત્તિ લ્યે તો પણ રસોઈ અને રસોડામાંથી તો એ મરે ત્યાં સુધી જોડાયેલ રહે છે. પહેલાના જમાનામાં પુત્રવધુ આવે તો બધું સંભાળી લ્યે છતાએ રસોડા અને રસોઈ સાથે સંબંધ તૂટતો નથી. ક્યારેક  જો બીમાર પડી જાય કે તોજ નહીંતર તે કંઈને કંઈ રસોડામાં કર્યે જ રાખશે. અત્યારે તો આધુનિક, ભણેલી અને કામ કરતી પુત્રવધુ ઘર કરતા બહાર વધારે કામ કરે છે. ક્યારેક થકી જાય તો હોટેલ કે રેસ્ટોરન્ટમાં જમી આવે. પણ આપણા મમ્મી કે દાદીને પૂછી જોજો કે તેઓ ક્યારેય રેસ્ટોરન્ટ જોયતા??? સ્ત્રીઓને એવું નથી કે રસોઈ કરવી ગમતી નથ...

  ૐ આજ રાંધણ છઠ...... શ્રાવણ મહિનો એટલે તહેવારોનો મહિનો. આ મહિનો ભોળાશંભુ મહાદેવનો છે અને તે જ મહિનામાં ભગવાન વિષ્ણુએ શ્રી કૃષ્ણના રૂપે જન્મ લીધો અને આ વિશ્વને ગીતા વચનો આપ્યા. એ શ્રાવણી અંધારી આઠમ એ જન્માષ્ટમી અને તેની એક દિવસ પહેલા સાતમ અને તેની પહેલા આવે રાંધણ છઠ. આજ એ જ રાંધણ છઠ છે. આ તહેવારના નામમાં જ તેના વિશેની માહિતી આવી જાય છે. આજે જે લોકો સાતમ પાળે છે તે લોકો બે દિવસ માટે રસોઈ બનાવે છે કારણ કે સાતમ પાળવી એટલે એ દિવસે બધું ઠંડુ ખાવાનું. તમે ખાવાનું ગરમ ના કરી શકો. ખાલી ચા દૂધ ને પાણી શિવાય. જેના ઘરમાં નાના બાળકો હોઈ તે લોકો ખાસ સાતમ પાળે છે. શીતળામા  બાળકોનું રક્ષણ કરે છે. નાના હતાં ત્યારેથી જોયેલ આ તહેવાર એટલે ઘણી બધી યાદો જોડાયેલી છે આ તહેવાર સાથે. અમે સાતમ આઠમ જ કહીએ. ભારતના તહેવારો ભારતમાં ઉજવવવી જે મજા આવે તે મજા ક્યાંય ના આવે. અહીંયા ઇંગ્લેન્ડમાં ઉજવીએ તો છીએ પણ ભારત જેટલી રોનક નથી આવતી. ક્યારેક રજા હોઈ ક્યારેક કામે પણ હોઈ છતાં સાતમ અચૂક પાળીએ છીએ. આજ પણ યાદ છે, જયારે નાના હતાં ત્યારે સાતમ આઠમની લગભગ અઠવાડિયા સુધી રજાઓ પડતી અને ચારથી પાંચ દિવસ સુધી મેળો હોઈ. નાગ...

  ૐ વાસ્તવિકતા કડવી હોઈ છે પણ મારી શકાતી નથી અને કલ્પના સુંદર હોઈ છે પણ જીવી શકાતી નથી....../Reality has to be bitter but can't kill and imagination has to be beautiful but can't live ...... આ દીવાના અને સુરજના પ્રકાશ જેટલું સત્ય છે. આપણને બધાને આપણી કલ્પનાઓમાં રાચવું ખૂબ ગમે છે અને તેમાયે જો આપણી મનગમતી કલ્પના હોઈ તો એમ થાઈ કે આંખ બંધ કરીને પડ્યા જ રહીએ. મનમાં ને મનમાં તો આપણે આપણી કલ્પનાના ઘોડાને પૂર ઝડપે દોડાવી શકીએ પણ શું આપણે હકીકતમાં આપણે એ આપણી કલ્પના મુજબ જીવી શકીએ છીએ? વાસ્તવિકતાની કઠોર ધરતી પર આપણી કલ્પનાઓ કાંચની જેમ તૂટીને ટુકડે ટુકડા થઈ જતી હોઈ છે. તો શું કલ્પનાઓ કરવી જોઈએ કે ના કરવી જોઈએ?? શું હંમેશા વાસ્તવિક હોઈ એની જ કલ્પનાઓ કરવી જોઈએ??? ભગવાને આપણને બધાને એક સુંદર સાથી આપ્યો છે જેને આપણે મન નામથી ઓળખીએ છીએ. આ મન જ આપણો સૌવથી મોટો મિત્ર અને સૌવથી મોટો શત્રુ બની શકે છે. આપણે જે કલ્પનાઓની વાત કરીએ છીએ તે આપણા સાચા ખોટા વિચારો  જ છે. હકીકતમાં આપણે આપણા વિચારો મુજબ જ જીવન જીવતા હોઈએ છે પરંતુ આપણી પાસે એ વિચારોને જોવાનો સમય જ નથી. જે કલ્પનાઓ સાકાર થાઈ તે વાસ્તવિકતા બ...

  ૐ શું જરૂરી છે સંબંધોમાં...../What is needed in a relationship જેની પાસે પરિવાર અને પરિવારમાં બધા જ સંબંધો હોઈ તો એ વ્યક્તિ ખૂબ નસીબદાર હોઈ છે. મમ્મી, પપ્પા,  ભાઈ, બહેન, કાકા, કાકી, મોટાબાપા, મોટી મા, ફઈ, ફુવા, દાદા, નાના, દાદી, નાની, મામા, મામી, માસા, માસી અને ઘણાબધા પિતરાઈ ભાઈ બહેનો, માસીયાઈ ભાઈ બહેનો ને બધા જ....એક હર્યોભર્યો પૂરો પરિવાર. જોકે આટલા બધા લોકો સાથે ના રહેતા હોઈ પણ બધા વચ્ચે સંબંધો સારા હોઈ તો કોઈ પ્રસંગે ભેગા થાઈ ત્યારે કેટલી મજા આવે!!!!! અત્યારે મોટા સંયુક્ત પરિવારો તો ભાગ્યેજ જોવા મળતા હોઈ છે. લોકો પોતાની જરૂરિયાત પ્રમાણે અને જ્યાં કામધંધા હોઈ એ પ્રમાણે ત્યાં જુદા રહેતા હોઈ છે આથી કોઈ પારિવારિક પ્રસંગ હોઈ ત્યારે બધા ભેગા થતા હોઈ છે. અત્યારે બધાની જીંદગી ખૂબ ભાગદોડવાળી થઈ ગઈ છે આથી અવારનવાર મળવું કે ભેગું થવું ખૂબ ઓછું બનતું હોઈ છે. અરે અત્યારે માણસો એટલા વ્યસ્ત થઈ ગયા છે કે કોઈ સ્વજન દેવલોક પામે તો એની પાછળ અગિયાર દિવસ બેસવા પણ તૈયાર નથી. બધી ક્રિયાવિધિ પાંચ કે સાત દિવસમાં આંટોપીને બેસી જાઈ છે. પછી ભલેને નવરા ધૂપ બેઠા હોઈ પણ આ હંમેશા વ્યસ્ત હોવું કે સમય જ ...

  ૐ શું છે સંતુલન અને ક્યાં હોવું જોઈએ???/What is balance and where should it be ??? "સંતુલન" આ શબ્દ બોલવામાં થોડો અઘરો છે પણ રાખવામાં એનાથી વધારે મુશ્કેલ છે પણ અશક્ય નથી. આપણને બધાને ગુરુત્વાકર્ષણનો નિયમ તો ખબર જ છે કે ઉપર ફેંકો એ  નીચે જ આવે પરંતુ ઉપર ફેંકીએ એ નીચે આવે ત્યારે નીચે પણ સરખી રીતે  રહે એટલા માટે એમાં સરખું સંતુલન પણ હોવું જોઈએ. સંતુલનને અંગ્રેજીમાં આપણે balance કહીએ છીએ. આ સંતુલન હોવું ખુબ જરૂરી છે વ્યક્તિમાં પણ અને વસ્તુમાં પણ. જો એ હોઈ તોજ એ પોતાનું અસ્તિત્વ સરખી રીતે જાળવી શકશે. વ્યક્તિ હોઈ તો જીવનમાં અને વસ્તુ હોઈ તો ટકાવવામાં. આપણે ખૂબ બોલીએ છીએ પણ સાંભળવાનું અને વિચારવાનું આપણે એનું અડધું પણ નથી કરતા. જો આમાં એટલે કે બોલવામાં અને સાંભળવામાં થોડું સરખું સંતુલન રાખીએ જીંદગીમાં ખૂબ સુંદર બદલાવ આવી જશે. સંતુલન વગરની જીંદગી અને વસ્તુઓ લાંબો સમય ટકી નથી શક્તિ. આથી સંતુલનમાં આપણે ધ્યાન નથી દેતા પણ તેને રાખવું ખૂબ મહત્વનું છે. નાનકડું ઉદાહરણ એક ટેબલનું જ લઈએ, જો એનો એક પાયો સેજેક એટલે કે અડધી સેન્ટિમીટર પણ નાનો હશે તો એ ડગડગશે અને સરખું નહી રહે અને આપણને પણ મ...

  ૐ મહેનત કર્યા પછી પણ સપના પુરા ના થાઈ તો શું કરવું??/What to do if the dream does not come true even after working hard ?? જ્યારથી આપણાંમાં સમજણ આવે ત્યારથી આપણે આપણા ભવિષ્યના સપનાઓ જોવા લાગીએ છીએ. જો ભણવામાં હોશિયાર હોઈ તો સારામાં સારી કારકિર્દી બનાવવાનું, જો ભણવામાં રસ ના હોઈ તો કોઈ ધંધો કરવા વિશે સપના જોશે, સુંદર ઘર, ગાડીઓ, નોકરચાકર, આરામદાયક રજાઓના સપનાઓ જોશે, સુંદર છોકરી / પૈસાવાળા છોકરા સાથે કે / પોતાના ગમતા પાત્ર સાથે જીવનના જીવવાના સપનાઓ જોશે અને ઘણું બધું ભવિષ્ય વિશે વિચારશે અને મનમાં ને મનમાં ખુશ પણ થશે. કલ્પનાઓના ઘોડા દોડાવવામાં ક્યાં કોઈ પાબંદી છે કે ત્યાં કંઈ પૈસા દેવા પડે છે!!!! આ એ ભવિષ્યના સપનાઓને પુરા કરવા માટે વર્તમાનમાં જીવવું અને વર્તમાનમાં પ્રયત્ન કરવો અને યોગ્ય પગલાં ભરવા જરૂરી છે. નિંદરમાં આવતા સપનાઓ તો આંખ ઉઘાડતા કદાચ ભુલાઈ પણ જાઈ પણ ખુલ્લી આંખે જોયેલા સપનાઓમાં એજ સાકાર થાઈ છે જેને પુરા કરવા માટે નીંદર જ ના આવે. આપણે ભવિષ્યના સપના જોવામાં એટલા મશગુલ છીએ કે તેમાં વર્તમાનને નજરઅંદાજ કરીએ છીએ અને પછી ભવિષ્યના સપનાઓ,  સપનાઓ કે શેખચિલ્લીના વિચારો બની જાઈ છ...

  ૐ કોઈ યાદ કરે કે ન કરે પણ હૂં સૌવને યાદ કરું છું...... કેમ છો મિત્રો?? આશા છે ખૂબ મજામાં હશો. આમ તો હૂં મારા બ્લોગ દ્વારા છેલ્લા છ મહિનાથી દરરોજ મળું છું અને મારા વિચારો તમારી સાથે વહેંચુ છું અને તમે દરરોજ તમારી પાંચ મિનિટ મારા બ્લોગસ ને આપો છો તે માટે હૂં ખૂબ આભારી છું. આજે આ પત્રની સાથે 200 બ્લોગસ પૂરા કરું છું  એટલે તમને thank you તો મરે કહેવું જ પડે.  રૂબરૂ નથી મળાતું એટલે શબ્દો દ્વારા રોજ મળું છું, કોઈ યાદ કરે કે ન કરે, હૂં  રોજ બધાને યાદ કરું છું. ધરતી ઉપર છે એને પણ અને મારા ઈશ્વર પાસે છે એને પણ, જે મારી હિંમત બની મારી સાથે જ છે. સ્વીકારી લીધો ઈશ્વરનો એ નિર્ણય હવે તો શોધવું છે જીવનનું એ ધ્યેય જેની માટે ઈશ્વરે આ રસ્તો દેખાડ્યો છે. ખૂબ ખૂબ ખૂબ આભાર મારા ઈશ્વરનો  અને મને સહાય કરનાર મારા સર્વે સ્વજનો અને મિત્રોનો. કોરોનાથી હટીને જીંદગી ધીમે ધીમે પાટા ઉપર ચડવા લાગી છે પણ યાદ રાખજો મિત્રો કોરોના નહી તો બીજું કોઈક મોતનો સંદેશ લાવશે જ આથી કાળજી રાખજો અને ડર્યા વગર મન મૂકીને જીવજો કારણ કે જે આજે છે એ કાલે નહી હોઈ અને કાલે આપણે પણ હશું કે નહી એની પણ કોને ખબર આથી મ...

 ૐ આજે રક્ષાબંધન. / Rakshabandhan today. દુનિયાનો સૌવથી પવિત્ર સંબંધ એટલે ભાઈ બહેનનો સંબંધ. જેમાં મમતા છે, મિત્રતા છે, વિશ્વાસ છે, પ્રેમ છે, ખાટી મીઠી લડાઈ છે છતાં એ અતૂટ છે. એજ પવિત્ર અને મજબૂત સંબંધને એક સુતરના દોરાની રાખડી વધુ મજબૂત બનાવે તે તહેવાર એટલે રક્ષાબંધન. એ ભાઈઓ પણ નસીબદાર કે જેની પાસે બહેન છે અને એ બહેનો પણ નસીબદાર કે જેની પાસે ભાઈ છે. બંને મળે કે ના મળે પણ એમ થાઈ કે દુનિયામાં એક ખૂણો એવો છે કે જ્યાં મા બાપ પછી કોઈ હૂંફ હોઈ તો એ ભાઈ બેનના પવિત્ર પ્રેમની હૂંફ છે. સ્ત્રી થકી જ આ ઘરસંસાર અને દુનિયા શાંતિથી ચાલે છે અને અશાંતિ ફેલાવનાર પણ પુરુષની સરખામણીમાં સ્ત્રી વધુ છે પરંતુ તેની મહતાને ઓછી ના આંકી શકાઈ. જો ઘરમાં એકલો પુરુષ હોઈ તો એ ઘર મકાન છે પણ એક સ્ત્રીનો મકાનમાં વાસ હોઈ તો એ મકાન ઘર છે અને એમાં એ સદગુણી અને સંસ્કારી સ્ત્રી ઘરમાં હોઈ તો એ ઘર સ્વર્ગ છે. એક સ્ત્રી અને પુરુષ બંને તેની જીંદગીમાં ઘણા પાત્રો ભજવે છે તેમાંથી ભાઈ બહેનનો સંબંધ ખૂબ દિવ્ય અને પવિત્ર છે કારણ કે તે લોહીની સગાઇની સાથે હોઈ કે પછી ધર્મના માનેલા ભાઈ બહેન હોઈ પવિત્રતા તો એટલીજ છે. મા પછી કોઈ પુરૂષને માટ...

  ૐ આજે લખવુંતું પણ લખવાની મરજી નોહતી થતી. ક્યારેક મનમાં ઘણું બધું ચાલતું હોઈ છે. જયારે આપણે કોઈ વસ્તુ કે વાતમાં ધ્યાન ના આપી શકીએ ત્યારે સમજવું કે મગજમાં કોઈ યુદ્ધ ચાલી રહ્યું છે. આ યુદ્વ ગમે તે હોઈ પણ આપણા મનની શાંતિ હણાઈ જાઈ છે. આજે કઈંક એવું જ ચાલ્યું. ધારેલું કામ સમયસર ના થાઈ અથવા આપણી રાખેલ અપેક્ષાએ કોઈ ખરું ના ઉતરે તો થોડું મન બેચેન બને. કદાચ આજે કઈંક એવું જ બન્યું પણ અત્યારે બધું ઠીક છે કારણ કે મનની સાથે વાત થઈ ગઈ અને સમાધાન પણ મળી ગયું. પણ હવે એ અપેક્ષા નહી રાખું કે મેં જે સમાધાન શોધ્યું છે તે મુજબ જ બધું થશે. કદાચ ઉલ્ટુ પણ થાઈ પણ જોયું જશે પરંતુ મન થોડું શાંત ચોક્કસ થઈ ગ્યું. મેં ક્યાંક વાંચ્યુંતું કે ચાલવાથી શરીર સુધરે અને ચલાવી લેવાથી સબંધ સુધરે. વાત તો સાવ સોના જેવી સાચી છે અને આપણને ખબર પણ છે પરંતુ બંનેમાં ખૂબ મહેનત અને પ્રયત્નની જરૂર રહે છે. આપણો વાંધો પણ એજ કે ખબર હોઈ છતાં આપણે જીભના થોડા રસાસ્વાદ માટે પણ આપણી તંદુરસ્તીને દાવે ચડાવ્યે છે. એ પ્રલોભન થોડીવાર માટે જ હોઈ છે પણ આપણી તંદુરસ્તીને પતાવવામાં ખૂબ ભાગ ભજવે છે. સમયસર ધ્યાન ના આપીએ તો ઘણી મુશ્કેલીઓ પણ સર્જાઈ શકે...